Table of Contents
Сүүлийн жилүүдэд ууланд алхах соёл нийслэлчүүдийн дунд хүчтэй дэлгэрч, Манзушир–Цэцээ гүн, Зайсан–Дугуй цагаан, Баянзүрх зэрэг байгалийн жимүүд алхагчдын тогтмол чиглэл болжээ. Байгаль дунд, цэвэр агаарт алхах нь зүгээр нэг дасгал биш – энэ бол бие, сэтгэлийг цогцоор нь эрүүлжүүлэх шилдэг арга юм. Тэгвэл ууланд алхахын 8 чухал ашиг тусыг хүргэж байна:
1. Зүрх судасны эрүүл мэндийг дэмжинэ
Уулын алхалт нь цусны даралтыг тогтворжуулж, глюкозын түвшнийг бууруулж, муу холестериныг багасгаж, зүрх судасны өвчлөлөөс урьдчилан сэргийлэх ач холбогдолтой.
2. Булчин хөгжүүлж, тэнцвэр сайжруулна
Өгсүүр болон уруудуур жимээр алхах үед хөлийн гол булчингууд идэвхтэй ажиллаж, биеийн тэнцвэр, тогтвортой байдал сайжирдаг. Гар, нурууны булчин ч мөн таяг, цүнх ашиглах үед хөгждөг.
3. Ясны нягтрал нэмэгдэнэ
Уулын жимээр, тодорхой хэмжээний ачаалалтай алхах нь ясны бат бөх чанарыг нэмэгдүүлж, яс сийрэгжилтээс урьдчилан сэргийлэхэд тусална.
4. Байгалийн хүчилтөрөгч биеийг цэвэрлэнэ
Уулын цэвэр агаар дахь хүчилтөрөгч биеийн илүүдэл хуримтлалыг гадагшлуулж, эсийн үйл ажиллагааг идэвхжүүлдэг.
5. Эрүүлээр жингээ хаях
Хэрэв жингээ хаях зорилготой бол долоо хоногт 3 удаа, 50 минутаас доошгүй хугацаагаар алхах нь үр дүнтэй, эрүүл аргын нэг.
6. Нойрны чанарыг сайжруулна
Ууланд алхах нь нарны гэрэлтэй байх цагийг нэмэгдүүлж, шөнө мелатонин даавар ялгаралтыг дэмждэг. Ингэснээр нойрны чанар мэдэгдэхүйц сайжирдаг.
7. Стресс тайлж, сэтгэл санааг тогтворжуулна
Байгалийн чимээ, үнэр, уур амьсгалд анхаарлаа төвлөрүүлэн алхахад сератонин буюу аз жаргалын даавар ялгарч, тайвшруулах, сэтгэл сэргээх нөлөөтэй.
8. Тархи, оюун ухаанд тустай
Алхалтын үед нэмэгдсэн цусан хангамж тархинд хүрч, нейрон эд эсийн уялдаа сайжирч, санах ой болон танин мэдэхүйн чадамж нэмэгддэг.
Уул руу алхаж гарах алхам бүрт тань эрүүл мэнд, амар амгалан, ухаан бодол нэмэгдэж байдгийг санаарай. Алхацгаая, эрүүл амьдралыг хамтдаа бүтээцгээе!
