Засгийн газрын Хяналт хэрэгжүүлэх газрын Хяналт шалгалтын газрын нийт албан хаагчид хоёр өдрийн турш «Засгийн газрын худалдан авах ажиллагааны зохион байгуулалт» сэдвийн хүрээнд танхимын сургалтад амжилттай хамрагдлаа.
Энэхүү сургалт нь Монгол Улсын Сангийн яам болон МУИС-ийн Бизнесийн сургууль хамтран хэрэгжүүлж буй “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах ажиллагааны хүний нөөцийг хөгжүүлэх” үндэсний хөтөлбөрийн хүрээнд явагдаж буй цуврал сургалтын нэг хэсэг юм.
Сургалтад оролцогчид дараах гол чиглэлүүдийн хүрээнд онол болон практикийн хичээлд хамрагдсан байна:
- Худалдан авах ажиллагааны эрх зүйн зохицуулалт, журам
- Зохион байгуулалт ба хяналтын тогтолцоо
- Үнэлгээний хорооны үйл ажиллагаа
- Тендерийн баримт бичиг боловсруулах аргачлал
- Цахим худалдан авалт
- Зөвлөх үйлчилгээний худалдан авалт
Тус сургалт нь төрийн худалдан авах ажиллагааг илүү үр ашигтай, нээлттэй, хяналттай зохион байгуулахад чадавхыг нэмэгдүүлэх, албан хаагчдын мэдлэг, ур чадварыг дээшлүүлэх чухал алхам болсон гэдгийг зохион байгуулагчид онцолжээ.
