7
Замын хөдөлгөөнд оролцож байгаа унадаг дугуй, сурон, мопед, мотоциклтой зорчигч нар зам тээврийн осол гаргах мөн осолд өртөх тохиолдол ихсэж байгаа тул замын хөдөлгөөнд оролцож буй жолооч, зорчигч та бүхэн замын хөдөлгөөний дүрмээ баримтлан анхаарал болгоомжтой оролцоно уу!
Монгол Улсын Замын Хөдөлгөөний Дүрмийн Зарим Тойм:
- 25.3. Унадаг Дугуй Хүүхдүүдэд:
- 10 хүртэлх насны хүүхэд зөвхөн харгалзах хүнтэйгээр явган хүний зам дээр унаж болно.
- 10-14 насны хүүхдүүд явган хүний зам болон унадаг дугуйн замаар унаж хөдөлгөөнд оролцож болно.
- 25.4. Унадаг Дугуйны Жолоочид:
- 14 ба түүнээс дээш насны хүн унадаг дугуйг жолоодож, замын хөдөлгөөнд оролцохдоо зөвхөн унадаг дугуйн зам, эсвэл унадаг дугуйн эгнээгээр явна.
- Унадаг дугуйн эгнээ байхгүй тохиолдолд замын баруун гар талын захаар явж болно:
- Унадаг дугуйн зам эсвэл эгнээ байхгүй, эсхүл ашиглах боломжгүй үед.
- Ачаатай буюу ачаагүй унадаг дугуй өргөн нь 1 метрээс илүү бол.
- Зохион байгуулалттай цуваагаар явах үед.
- 25.5. Унадаг Дугуйг Явган Хүний Зам дээр Хэрэглэх:
- Хэрэв зорчих хэсгийн захаар явж болохгүй бол унадаг дугуйг явган хүний замаар, эсвэл хөвөөгөөр явах боломжтой. Гэхдээ аюулгүй байдлыг хангаж, хурдыг цагт 10 км-ээс хэтрүүлэхгүй, явган зорчигчдод саад учруулахгүй байх шаардлагатай.
- 25.7. Унадаг Дугуй, Мопедын Жолоочид:
- Зорчих хэсгээр байрлан явахдаа зөвхөн гүйцэж түрүүлэх, саадыг тойрон гарахын тулд зүүн гар талын эгнээнд орохыг зөвшөөрнө.
- Эгнээнээс гарахгүйгээр гүйцэтгэх боломжтой бол зүүн гар талын эгнээ рүү орохыг хориглоно.
Замын хөдөлгөөнд оролцохдоо хөдөлгөөний дүрмээ дагаж, бусдыг хүндэтгэж, аюулгүй байдлаа хангаарай.
