Table of Contents
Удаан сунгагч буюу удлинитер нь нэг дор олон төхөөрөмж холбох боломж олгодог ч бүх цахилгаан хэрэгслийг даах чадвартай биш. Мэргэжилтнүүдийн хэлснээр өндөр хүчин чадал шаарддаг төхөөрөмжүүдийг удлинитерээр ашиглах нь хүчдэл нэмэгдэх, электроник гэмтэх, бүр гал гарах эрсдэлтэй. RealSimple энэ талаар анхааруулсан байна.
Хананд шууд залгах ёстой төхөөрөмжүүд
Хөргөгч ба хөлдөөгч
Эдгээр төхөөрөмж тасралтгүй ажилладаг бөгөөд цахилгаан их хэрэглэдэг. Удлинитерээр холбох үед автомат унтрах, хүчдэлийн савлагаа үүсч компрессорт гэмтэл өгдөг. Тиймээс ханын розеткод шууд залгах нь хамгийн аюулгүй сонголт.
Богино долгионы зуух (микроволнов)
Ихэнх удлинитер 12–15 амперын ачааллыг даадаггүй. Энэ нь хэт халалт, галын эрсдэлийг нэмэгдүүлж, цахилгааны шугамд ачаалал өгнө. Хэрэв гал тогоонд розетка хүрэлцэхгүй бол мэргэжлийн электрик дуудан шинэ розетка суулгах нь зөв.
Жижиг гал тогооны төхөөрөмжүүд
Кофе чанагч, тостер зэрэг жижиг харагдавч их ачаалал өгдөг. Тостерийн доторх ил утаснууд өндөр температурт ажилладаг тул удлинитерээр дамжуулбал утас хайлах, дулааны ачаалал нэмэгдэх эрсдэлтэй.
Халаагч болон кондиционер
Энэ бол хамгийн хатуу “болохгүй” ангилал. Халаагчийн өндөр хэрэглээ удлинитерийг хэт халуулж гал авалцахад хүргэдэг. Зөөврийн кондицид заавал стандартын зузаан кабель хэрэглэх ёстой. Харин хамгийн зөв шийдэл нь тусдаа розетка.
Үсний цахилгаан хэрэгсэл
Фен, үсний индүү, стайлер зэрэг нь богино хугацаанд өндөр чадал сордог. Иймээс заавал ханын розеткод залгах хэрэгтэй. Усны эрсдэл ихтэй тул ванн өрөөнд GFCI хамгаалалттай розетка суулгах нь илүү найдвартай.
Эрүүл мэндийн цахилгаан төхөөрөмж
CPAP зэрэг тогтвортой цахилгаан шаарддаг аппаратуудыг удлинитерээр холбох нь зохимжгүй. Жижиг доголдол ч хүний эрүүл мэндэд ноцтой нөлөөлж болзошгүй.
Хүчтэй тоглолтын компьютер ба Hi-Fi аудио систем
Эдгээр төхөөрөмжийг энгийн удлинитер хүчдэлийн огцом савлагаанаас хамгаалж чаддаггүй. Ийм учраас тогтворжуулагчтай, чанартай сүлжээний хамгаалалттай төхөөрөмжийг ашиглах нь зөв.
Удаан сунгагчийг өөр удлинитерээр холбох
Хооронд нь залгаж гинжилсэн удлинитерүүд (daisy-chain) нь цахилгаан сүлжээг маш хурдан хэт ачаалалд оруулдаг. Хэрэв удлинитер зайлшгүй хэрэгтэй бол автоматаар унтрах хамгаалалттай загвар сонгох шаардлагатай.
