Эдгээр хүнсийг тогтмол хэрэглэх нь арьсны уян хатан чанарыг хадгалах, дархлааг бэхжүүлэх, мөн хөгшрөлтийн процессыг удаашруулахад тусалдаг.
Хүн орхоодой, загас, тос, ургамал, амтлагч зэрэг олон хүнс хөгшрөлтийн эсрэг үйлчилгээтэй байдаг ч энэ удаад бид урт наслалтад хамгийн их нөлөөлдөг жимс, ногоон дээр төвлөрье.
1. Улаан байцаа
Улаан байцаа нь хүхэр агуулсан антиоксидант буюу глюкозинолат болон антоцианин хэмээх хүчтэй нэгдлүүдийг агуулдаг. Эдгээр нь зүрх судасны өвчин, хавдар, артрит, мэдрэлийн доройтлоос сэргийлэхэд тусалдаг.
2. Мөөг
Мөөг нь жинхэнэ утгаараа урт наслалтын хүнс юм. Судалгаагаар мөөг нь хөнгөн танин мэдэхүйн өөрчлөлт (MCI)-өөс хамгаалж, Альцгеймер болон бусад мэдрэлийн өвчнөөс сэргийлдэг болохыг тогтоосон.
3. Нэрс
“Супер хүнс” хэмээн нэрлэгддэг нэрс нь антиоксидантаар баялаг. Антоцианин хэмээх бодис нь үрэвслийг бууруулж, стрессээс үүдэлтэй эсийн гэмтлээс хамгаалж, хөгшрөлтийг удаашруулдаг.
4. Брокколи
Брокколи нь эслэг, С ба К амин дэм, төмөр болон олон төрлийн антиоксидантаар баялаг бөгөөд эсийн нөхөн төлжилт, дархлаанд тустай.
5. Манжин
Манжин нь эслэг, фолийн хүчил, марганц, кали, төмөр, С амин дэм зэрэг олон шим тэжээлтэй. Цусны эргэлтийг сайжруулж, элэгний үйл ажиллагаанд сайн нөлөөтэй.
6. Манго
Манго нь А болон С амин дэмээр баялаг бөгөөд дархлаа болон арьсны эрүүл мэндэд чухал үүрэгтэй. Эслэг нь хоол боловсруулах системийг дэмжиж, гэдэсний бичил экосистемийг тэнцвэржүүлдэг.
7. Авокадо
Авокадо нь эрүүл тос, эслэгийн өндөр агууламжтай тул зүрх судасны эрүүл мэндийг дэмжиж, гэдэсний үйл ажиллагааг сайжруулдаг.
8. Буцалсан бууцай (шпинат)
Бууцай болон бусад навчит ногоо нь лютеин, бета-каротин, нитрат, фолийн хүчил зэрэг бодисоор баялаг. Эдгээр нь цусны даралтыг бууруулж, тархины үйл ажиллагааг дэмждэг.
9. Кале байцаа
Кале нь зүрх судасны өвчнөөс сэргийлж, холестерины түвшинг бууруулахад тусалдаг. Түүний шүүсийг тогтмол хэрэглэх нь зүрхний өвчний эрсдэлийг бууруулна.
10. Гүзээлзгэнэ
Гүзээлзгэнэ нь хөгшрөлттэй холбоотой танин мэдэхүйн бууралтыг сааруулж, ой санамжийг сайжруулахад тусалдаг антиоксидантаар баялаг.
Хүнсний эдгээр байгалийн эх үүсвэрүүдийг өдөр тутмын хоол хүнсэндээ оруулах нь эрүүл мэндийг дэмжиж, залуу энергийг хадгалахад тусална.
