Румын улсын Бухарест хотод үргэлжилж буй “PGL Bucharest 2026” тэмцээний хэсгийн шатны шийдвэрлэх тоглолтуудын үеэр Монголын “The MongolZ” баг чухал ялалт байгууллаа. Тэд өнөөдөр буюу 4 дүгээр сарын 7-нд АНУ-ын “Wildcard Gaming” багийг 2:0-ийн харьцаатайгаар буулган авч, тэмцээний дараагийн шатанд шалгарсан байна.
“Best-of-3” журмаар болсон энэ тоглолтын эхний зураг болох Dust 2 дээр манай баг 13:11-ээр илүүрхсэн бол Nuke дээр 13:8-аар ялалтаа баталгаажуулжээ. Ийнхүү “The MongolZ” үндсэн шат буюу плей-оффд тоглох эрхээ албан ёсоор авсан бол “Wildcard” 2-2 амжилттай үлдэж, дараагийн боломжоо хадгалан үлдлээ.
Тоглолтод оролцсон бүрэлдэхүүн:
- The MongolZ:
- Анарбилэг “cobrazera” Ууганбаяр
- Аюуш “mzinho” Батболд
- Өсөхбаяр “910” Банзрагч
- Гаридмагнай “bLitz” Бямбасүрэн
- Содбаяр “Techno” Мөнхболд
- Wildcard Gaming:
- Неманья “nEMANHA” Дукич
- Жексон “Peeping” Корнвелл
- Итан “reck” Серрано
- Милош “mhL” Кнасяк
- Жейдан “HexT” Постма
“PLG Bucharest 2026” тэмцээн 4 дүгээр сарын 4-нөөс 11-ний хооронд болж байгаа бөгөөд нийт 16 баг өрсөлдөж байна. Тэднээс шилдэг 8 нь плей-оффын шатанд үлдэх учиртай. Шигшээ тоглолт “best-of-5” журмаар явагдах бол бусад бүх тоглолт “best-of-3” форматаар үргэлжилж байна.
