Поп хөгжмийн ертөнцийн од Бритни Спирс Калифорни мужийн Вестлейк Виллиж хотод замын хөдөлгөөнд оролцож байхдаа саатуулагдсан таагүй мэдээ гарлаа. Өдгөө 44 настай дуучин бүсгүй BMW маркийн автомашин жолоодож явахдаа согтууруулах ундаа хэрэглэсэн байж болзошгүй гэх үндэслэлээр шалгуулжээ. Цагдаа нар түүний цусан дахь спиртийн хэмжээг тогтоохоор эмнэлэгт хүргэсэн бөгөөд тэрээр маргааш өглөөний 06:07 цагт суллагдсан байна.
Баривчлах ажиллагааны үеэр Бритни Спирс сэтгэл санааны хувьд тогтворгүй, ихэд уйлж байсан талаар ойрын эх сурвалжууд мэдээлж байна. Мөн түүний автомашинаас тодорхойгүй төрлийн бодис олдсон нь хэргийг улам хүндрүүлж болзошгүй байгаа юм. Хууль хяналтын байгууллагынхан уг бодисыг мансууруулах төрлийнх байж магадгүй хэмээн сэжиглэж, нарийвчилсан шинжилгээ хийж эхэлжээ.
Хэргийн талаарх зарим онцлох баримтууд:
- Дуучинд холбогдох шүүх хурал ирэх тавдугаар сарын 4-нд болохоор товлогдсон.
- Машинаас олдсон сэжигтэй бодисыг лабораторийн шинжилгээнд илгээсэн байна.
- Бритни Спирс өөрийн гаргасан үйлдэлдээ маш их ичиж, харамсаж байгаагаа ойр дотнынхондоо хэлжээ.
Сүүлийн үед дуучин бүсгүйн сэтгэл зүйн байдал тогтворгүй байгаа нь түүний хувийн амьдралтай холбоотой гэнэ. Түүний экс нөхөр Кевин Федерлайн 2025 оны аравдугаар сард “You Thought You Knew” нэртэй дурсамж номоо хэвлүүлсэн нь Бритнид хүнд цохилт болсон байна. Уг бүтээлд түүний хувийн нууцуудыг дэлгэсэн нь сэтгэл санааны гүн хямралд оруулж, ийм зохисгүй үйлдэл гаргахад нөлөөлсөн байж болзошгүй хэмээн тайлбарлаж байна.
