10
Table of Contents
2025 оны наймдугаар сарын 29-нд Японы баруун өмнөд хэсэгт орших Шинмоэдакэ галт уул идэвхжиж, тогооноосоо 5500 метрийн өндөрт үнс нурам цацагджээ.
Дэлбэрэлтийн мэдээлэл
- Киришима нуруунд байрлах уг идэвхтэй галт уул пүрэв гарагийн 04:53 цагт дэлбэрсэн байна.
- Энэ нь долдугаар сарын 3-наас хойшхи хамгийн хүчтэй идэвхжил бөгөөд анх удаа үнс нурам 5000 метрээс дээш өндөрт хүрчээ гэж цаг уурын албаныхан мэдээлэв.
- 05:23 цагийн байдлаар үнс нурам 4500 метрийн өндөрт тархсан хэвээр байсан ч том чулуулаг, пирокластик урсгалын идэвхжил харьцангуй бага ажиглагдсан байна.
Аюулын түвшин ба анхааруулга
- Одоогоор Японы таван шатлалт хэмжүүрээр 3 дугаар түвшний түгшүүр зарлаад байгаа бөгөөд энэ нь галт уул орчимд ойртож болохгүй гэсэн дохио юм.
- Чулуулаг тогооноос 3 км-ийн радиуст, пирокластик урсгал 2 км орчимд ажиглагдах боломжтой тул иргэдийг сонор сэрэмжтэй байхыг албаныхан сануулжээ.
- Үүнээс гадна үнс нурам унасан бүсэд шаардлагагүй тохиолдолд гадуур гарахгүй, автомашинаар зорчихоос татгалзахыг зөвлөсөн байна.
Үр дагавар ба эрсдэл
- Хөрш зэргэлдээх хотуудад үнс нурам их хэмжээгээр унасан нь батлагдсан.
- Мэргэжилтнүүдийн үзэж байгаагаар, бага зэргийн хур тунадас орох тохиолдолд түүнээс үүдэлтэй хоёрдогч гамшиг (шавар урсгал, хөрсний гулгалт) үүсэх эрсдэлтэй.
- Иймээс үнс нурмыг яаралтай цэвэрлэх, хамгаалалтын арга хэмжээг идэвхжүүлэхийг онцолжээ.
