54
Фитнесс, хүч чадлын сорилго бүхий «Physical Asia» шоу тэмцээнд өрсөлдсөн алдартай тамирчид Монгол Улсад зочилж, нийслэлийн түүхэн газруудаар аялж байна.
- Австралийн багийн тамирчин Доминик Ди Томмасо буюу Дом Томато өнөө өглөө нар мандах цагаар Сүхбаатарын талбайд очсон зургаа сошиал хуудсандаа нийтэлжээ.
- Харин тус шоуны БНСУ-ын тамирчин Жан Ын Шил хоёр хоногийн өмнө Монголд ирсэн бөгөөд Чингис хааны Үндэсний музейд зочилж, Чингисийн хөшөөтэй танилцаж буйгаа өөрийн сошиал платформдоо нийтэлсэн байна.
Алдартай Тамирчдын Товч Танилцуулга:
1. Доминик Ди Томмасо (Дом Томато):
- Спортын төрөл: Австрали гаралтай, фрираннинг (freerunning — саад давах чөлөөт гүйлт)-ийн тамирчин.
- Онцлог: Тэрээр 2007 оноос хойш фрираннингээр хичээллэж эхэлсэн бөгөөд 2016 оноос Team Farang-д элсэн, мөн “Crew 42” багтай хамтран ажилладаг.
- Ур Чадвар: Өндөр үсрэлт, олсон дээрх тэнцвэр болон ур чадварлаг фрираннингаар алдартай.
- Дагагч: Инстаграм платформд 3.4 сая дагагчтай.
2. Жан Ын Шил:
- Спортын төрөл: БНСУ-ын тамирчин тэрээр чөлөөт бөх, уламжлалт Солонгос бөх буюу Ssireum болон кроссфит спортыг хослуулан хичээллэдэг.
- Амжилт:
- 2018 оны Ази наадам зэрэг олон улсын тэмцээнд оролцож, Солонгосын үндэсний шигшээ багийн тамирчин байсан.
- 2022–2024 онуудад «National Sports Festival»-үүдэд эмэгтэйчүүдийн ерөнхий жингийн ангилалд алт авсан.
- Мөн “National Wrestling Championships”, “President’s Cup” зэрэг томоохон үндэсний болон уламжлалт бөхийн тэмцээнүүдэд ялж байсан чадварлаг тамирчин юм.
