Монголын багийн хамгийн залуу оролцогч, 16 настай Э.Шинэ-Од “САНЬЯА-2026” Азийн элсний наадмын акуатлоны хувийн төрөлд хүч сорилоо. Тивийн хэмжээний томоохон наадамд анх удаа тоосоо өргөж буй залуу тамирчин замын турш хурдаа тогтвортой хадгалсаар 44 минут 13 секундын амжилтаар барианд орсон байна.
Энэхүү үзүүлэлт нь түүний хувьд олон улсын тавцанд туршлага хуримтлуулах, өөрийн ур чадварыг тивийн шилдгүүдтэй харьцуулан дүгнэх чухал алхам боллоо. 16-хан настай тамирчин ийнхүү замаа амжилттай дуусгасан нь цаашдын амжилтынх нь суурь болохыг мэргэжилтнүүд онцолж байна.
Өнөөдөр буюу 2026 оны дөрөвдүгээр сарын 23-ны өдрийн тэмцээний хуваариар Монголын тамирчид дараах төрлүүдэд өрсөлдөж байна:
- Жюү жицү: Техник, ур чадварын өрсөлдөөнүүд.
- Элсний волейбол: Хэсгийн шатны шийдвэрлэх тоглолтууд.
- Гандбол: Баг тамирчдын хэсгийн шатны өрсөлдөөн үргэлжилнэ.
Наадмын талбарт Монгол Улсын баг тамирчид олон төрлөөр хүч үзэж байгаа бөгөөд залуу тамирчдын амжилт, туршлага энэ удаагийн наадмын нэгэн гол онцлог болж байна.
