Table of Contents
АНУ-ын Арканзас мужид байрлах Crater of Diamonds State Park нь эртний галт уулын дэлбэрэлтээс үүссэн тогоон дотор алмааз эрдэнийн чулууны байгалийн ордтойгоороо алдартай.
Чөлөөт хайгуулын боломж
- 1972 онд мужийн захиргаа хуучин уурхай байсан 14 га талбайг тусгай хамгаалалтад авч, олон нийтэд нээлттэй болгосон.
- Зочид өдрийн 15 ам.долларын төлбөрөөр хайгуул хийх эрхтэй.
- Тэр цагаас хойш сайн дурын хайгуулчид нийт 35,000 гаруй үнэт чулууны хэлтэрхий олсон байна.
- Хүрээлэнгийн ажилтнууд хөрсийг үе үе хагалж, суллаж өгснөөр хайгуул илүү үр дүнтэй болдог.
Гайхамшигтай олдвор
Нью-Йорк хотын оршин суугч Мичер Фокс гэх 31 настай эмэгтэй сүйн бөгжиндөө зориулсан чулуу олохын тулд өнгөрсөн долдугаар сараас хайгуул хийж эхэлжээ. Олон өдрийн туршид амжилт олоогүй ч хамгийн сүүлийн өдрөө 2.3 каратын цагаан алмааз олсон байна.
“Би өвдөг сөгдөн уйлж, дараа нь инээж эхэлсэн” хэмээн Фокс олдворынхоо тухай сэтгэгдлээ хуваалцжээ.
Түүний олсон алмааз нь энэ онд хүрээлэнгийн газраас олдсон 350 гаруй чулууны хэмжээгээрээ гуравт орж байгаа аж.
Түүхэн дэх хамгийн том алмааз
Арканзасын энэ бүс нутагт АНУ-ын түүхэнд хамгийн том алмааз 1924 онд олборлогдсон. “Uncle Sam” хэмээн нэрлэгдсэн ягаан туяатай энэхүү эрдэнийн чулуу эхэндээ 40.23 карат байсан бөгөөд засвар, өнгөлгөөний дараа 12.42 карат болж, одоо Вашингтон хотын Байгалийн түүхийн музейд хадгалагдаж байна.
