Bloomberg-ийн сурвалжлагч Марк Гурманы мэдээлснээр Apple компани M6 Pro болон M6 Max чиптэй шинэ MacBook Pro загваруудыг гаргах том хэмжээний шинэчлэл төлөвлөж байна.
Шинэ загвар нь мэдрэгчтэй OLED дэлгэц, илүү нимгэн биетэй болох бөгөөд өмнөх уламжлалт “челка” хэлбэрийн зүсэлтийг iPhone-оос эхтэй Dynamic Island-тай солих аж.
Технологийн хамгийн чухал шинэ боломж нь 5G сотовын сүлжээний дэмжлэг байх бөгөөд энэ нь MacBook-ийн түүхэнд анхных болно. Өмнө нь Apple ямар ч зөөврийн компьютертээ өөрсдийн эсвэл гуравдагч талын мобайл модем суулгаж байгаагүй.
Шинэчлэл нь дээд зэрэглэлийн MacBook Pro загваруудад зориулагдсан бөгөөд харин суурь 14 инчийн M6 чиптэй хувилбар нь хуучин загвараа хадгалж, дотоод техник хангамжаа л шинэчлэн гарна.
Одоогоор Apple дараах гурван төрлийн MacBook Pro-г санал болгодог:
- Суурь 14 инчийн загвар
- Сайжруулсан 14 инчийн хувилбар (M4 Pro болон M4 Max чиптэй)
- 16 инчийн хувилбар (мөн M4 Pro / M4 Max чиптэй)
Шинэ загваруудын гол ялгаа нь хөргөлтийн системд оршино: суурь загварт нэг вентилятор байдаг бол Pro болон Max хувилбаруудад илүү сайн хөргөлтөд зориулж хоёр вентилятортой.
2 comments
Лаптоп нь шууд гар утасны сүлжээгээр ажиллана гэхээр их амар байх
Apple энэ удаа үнэхээр сонирхолтой шинэчлэлт хийжээ