Meta компани ажилтнуудтайгаа дотоод түвшинд харилцах зориулалттай Марк Цукербергийн хиймэл оюунд суурилсан аватар бүтээж байгаа талаар The Verge хэвлэл Financial Times-ийг эш татан мэдээллээ.
Энэ нь Meta-ийн гүйцэтгэх захирал Марк Цукербергийн дижитал хувилбар байх бөгөөд түүний ярианы өнгө, харилцааны хэв маягийг дуурайж, компанийн дотоод харилцаанд ашиглах зорилготой аж.
Хэвлэлийн мэдээлснээр уг системийг Цукербергийн дуу хоолой, гадаад төрх, биеэ авч явах байдал болон олон нийтэд өмнө нь илэрхийлж байсан байр суурь, мэдэгдлүүдэд тулгуурлан сургаж байгаа юм байна. Үүний үр дүнд Meta-ийн ажилтнууд компанийн удирдлагаас мэдээлэл авах, хариу холбоо хүлээн авахдаа аль болох бодит харилцаатай ойр хэлбэрээр ашиглах боломж бүрдэхээр хүлээгдэж байна.
Мөн Марк Цукерберг өөрөө энэ төслийн ажилд биечлэн оролцож байгаа бөгөөд Meta дахь хиймэл оюуны чиглэлийн хөгжүүлэлтэд идэвхтэй анхаарч байгаа гэж эх сурвалжууд мэдээлжээ. Гэхдээ энэ асуудлаар компанийн зүгээс одоогоор олон нийтэд зориулсан албан ёсны баталгаа өгөөгүй байна.
Хэрэв энэхүү санаачилга амжилттай хэрэгжвэл Meta ийм аргыг бусад креатор, нөлөө бүхий хэрэглэгчдэд ч түгээж магадгүй гэж үзэж байна. Тус компани өмнө нь өөрийн платформууд дээр контент бүтээгчдэд үзэгчидтэйгээ харилцах зориулалттай AI хувилбар бүтээх хэрэгслүүдийг туршиж эхэлсэн билээ.
