Table of Contents
Хохирлын тоо өссөөр байна
Хонконгийн Wang Fuk Court нэртэй өндөр орон сууцны цогцолборт гарсан аймшигт гал түймрийн улмаас амиа алдсан хүний тоо улам нэмэгдэж, 94 болсныг албаныхан мэдээллээ.
Өмнө нь “South China Morning Post” сонин эх сурвалжаас иш татан 83 хүн нас барсан талаар мэдээлж байсан ч аврагчид барилгын хийцийг даган эрэн хайх, шалгалтын ажиллагааг үргэлжлүүлсний дүнд энэ тоо дахин өссөн байна.
Галын шалтгааны урьдчилсан хувилбар
Галын шалтгааны талаар урьдчилсан таамагт, тухайн орон сууцны барилгад засварын ажил гүйцэтгэж байсан ажилчин тамхи татаж байхдаа хайхрамжгүй хандсан нь галын эх үүсвэр болсон байж болзошгүй гэж үзэж байгаа аж. Одоогоор галын нарийвчилсан шалтгааныг тогтоох мөрдөн шалгах ажиллагаа үргэлжилж байна.
Тай По дүүргийн олон барилгыг хамарсан томоохон түймэр
Энэхүү гал түймэр нь энэ оны арваннэгдүгээр сарын 26-нд Хонконгийн Тай По дүүрэгт байрлах орон сууцны хэд хэдэн барилгад нэгэн зэрэг дэгдэж, олон хүний амь нас, эд хөрөнгөөр хохирсон, сүүлийн жилүүдийн хамгийн хүнд ослуудын нэг болоод байна.
