ЭМДС 590 гаруй эмд хөнгөлөлт олгож, цахим жорын хүрээг тэллээ

Хууль, зохицуулалтад тулгуурласан шинэчлэл хэрэгжиж байна

Эрүүл мэндийн салбарын багц хуулийн нэмэлт өөрчлөлт, мөн Эрүүл мэндийн даатгалын тухай хуулийн 14 дүгээр зүйлийн 14.8.6, 14.9.10 дахь заалтуудыг үндэслэн Эрүүл мэндийн даатгалын сангаас үнийн хөнгөлөлт үзүүлэх зайлшгүй шаардлагатай эмийн нэр төрөл, үнийн дээд хязгаар болон хөнгөлөх хэмжээг шинэчлэн баталсан зохицуулалт хэрэгжиж байна. Энэ хүрээнд ЭМДС-аас олгох үнийн хөнгөлөлтийн жорыг бүх шатны эрүүл мэндийн байгууллагад ажиллаж буй эмч нар бичиж олгож байгаа бөгөөд иргэд өөрт тохирсон үедээ эм, тариагаа эрүүл мэндийн даатгалаараа хөнгөлөлттэй үнээр авах боломж бүрдэжээ.

590+ төрлийн эм, 30–70 хувийн хөнгөлөлтийн хүрээ

Эрүүл мэндийн даатгалын үндэсний зөвлөлийн 2022 оны долдугаар сарын 4-ний өдрийн 11 дүгээр тогтоолоор 590 гаруй төрлийн эмийг Эрүүл мэндийн даатгалын сангаар дамжуулан хөнгөлөлттэй олгох зохицуулалт хэрэгжиж байгаа аж. Мөн Эрүүл мэндийн даатгалын сангаас 159 гаруй ерөнхий нэршлийн, 651 худалдааны нэршлийн эмд 30–70 хувийн үнийн хөнгөлөлт үзүүлэхээр жагсаалтаа шинэчлэн баталсан талаар мэдээлжээ.

Цахим жор, олголтын тоон үзүүлэлт

Улсын хэмжээнд өнгөрөгч онуудад бүх шатлалын эмнэлгийн эмч, мэргэжилтнүүд хөнгөлөлттэй эмийн 438,095 жорыг цахимаар бичсэнээс 47 хувь нь даралт бууруулах эмд хамаарсан байна. Харин эмийн сангаас бодитоор олгосон эмийн тоо ойролцоогоор 368,035 гэж дурджээ. Үнийн хөнгөлөлт олгох зайлшгүй шаардлагатай эмийн нэр, төрөл, үнийн дээд хязгаар, хөнгөлөлтийн хувь хэмжээг тусгасан шинэчилсэн жагсаалтыг мөн танилцуулж байна.

Цахим жороор хамгийн их бичигдсэн эмийн бүлгүүд

Цахим жороор хамгийн олон бичигдсөн эмийн бүлгийг авч үзвэл, даралт бууруулах эм 47 хувийг эзэлж, цус шингэлэх эм 10 хувь, тархины үйл ажиллагаа сэргээх эм 9 хувь, цөс шингэлэх эм 9 хувь, ходоодны хүчил бууруулах эм 9 хувь, зүрхний цусан хангамж сайжруулах эм 9 хувь, өвдөлт намдаах эм 7 хувьтай байгаа гэж мэдээлжээ.