Монгол бөхийн өргөөнд хоёрдугаар сард болох барилдааны нэгдсэн хуваарь гарлаа

Монголын үндэсний бөхийн холбооноос ирэх хоёрдугаар сард болох барилдаан, арга хэмжээний товыг албан ёсоор танилцууллаа. Сар шинийн баяр дөхсөнтэй холбоотойгоор ирэх сар бөхийн барилдаанаар нэн баялаг байх бөгөөд “Их Монгол” Шаравжамц аваргын мэндэлсний ой болон уламжлалт Цагаан сарын сорилго барилдаанууд гол байрыг эзэлж байна.

Хоёрдугаар сарын барилдааны дэлгэрэнгүй хуваарь:

Сар шинийн өмнөх гол барилдаанууд:

• 02.01 (Ням, 11:00): Хавдрын эсрэг дэлхийн өдөрт зориулсан сумын цолтон болон залуу бөхчүүдийн барилдаан.
• 02.07 (Бямба, 13:00): Шинэжинст сумын 70 жилийн ойд зориулсан Улс, аймаг, цэргийн цолтой 128 бөхийн барилдаан.
• 02.08 (Ням, 11:00): Хасын Шаравжамц аваргын 150 жилийн ой, Сар шинийн сорилго 256 бөхийн барилдаан.

Баярын цуврал арга хэмжээ (02.09 – 02.15):

• 02.09: Өсвөрийн болон ахмад бөхчүүдийн барилдаан (13:00 цагаас).
• 02.10: Тарвалин хийдийн нэрэмжит сумын цолтон, залуу бөхчүүдийн барилдаан.
• 02.11: Аймаг, цэргийн начин, харцага цолтнуудын барилдаан болон Бөхчүүдийн шатрын тэмцээн.
• 02.12: Дашчойлин хийдийн нэрэмжит Аймаг, цэрэг, сумын цолтой 256 бөхийн барилдаан.
• 02.13 – 02.14: Сар шинийн баярт зориулсан шагайн харвааны тэмцээнүүд (09:00 цагаас).
• 02.15: Сар шинийн барилдаанд оролцох бөхчүүдийн эрх олгох барилдаан (13:00 цагаас).

Сар шинийн баярын үндсэн барилдаан:

• 02.16 (Даваа, 13:00): Хүчит 256 бөхийн барилдааны нэг, хоёрын даваа.
• 02.17 (Мягмар, 13:00): Хүчит 256 бөхийн барилдааны гурваас наймын даваа буюу үзүүр, түрүү тодрох торгон агшин.

Сарын төгсгөлд буюу хоёрдугаар сарын 27-нд Баянхонгор аймгийн золголтод зориулсан барилдаан, 28-нд Булган аймгийн аваргуудын нэрэмжит 128 бөхийн барилдаануудаар хоёрдугаар сарын бөхийн арга хэмжээнүүд өндөрлөх юм. Бөхийн хорхойтнууд та бүхэн Монгол бөхийн өргөөнд хүрэлцэн ирж, хүчит бөхчүүдийнхээ уран мэх, халуун барилдааныг тухлан үзээрэй.