20
Table of Contents
Хөгжмийн ертөнцийн хамгийн том баяр болох 68 дахь удаагийн Грэмми шагнал гардуулах ёслол хаяанд ирлээ. Энэ жилийн наадам шинэ амжилт, түүхэн нэр дэвшилтүүд болон хөгжмийн олон төрөл зүйл хоорондоо хүчтэй өрсөлдөж байгаагаараа онцлог юм.
Ёслолын тов болон шууд дамжуулалт
- Хэзээ: 2026 оны хоёрдугаар сарын 1-ний Ням гарагт (Монголын цагаар Даваа гарагийн өглөө).
- Хаана: Лос-Анжелес хот, Crypto.com Arena.
- Шууд үзэх: Үндсэн ёслол АНУ-ын CBS сувгаар цацагдах ба Paramount+ платформаар дамжуулна. Харин улаан хивсний ёслол болон үндсэн наадмаас өмнөх “Premiere Ceremony”-г Recording Academy-ийн YouTube суваг, TikTok болон албан ёсны вэбсайтаар (live.GRAMMY.com) шууд үзэх боломжтой.
Хөтлөгч болон тоглолтууд
- Тревор Ноагийн сүүлчийн удаа: Алдарт комедиан Тревор Ноа зургаа дахь жилдээ дараалан Грэммиг хөтөлнө. Гэхдээ энэ нь түүний хувьд Грэммиг хөтлөх сүүлчийн жил болохыг Recording Academy албан ёсоор мэдэгдсэн юм.
- Тайзнаа гарах одод: Жастин Бибер, Сабрина Карпентер, Pharrell Williams болон Clipse хамтлагийнхан тоглолт үзүүлнэ. Мөн “Оны шинэ уран бүтээлч” номинацид нэр дэвшигч найман уран бүтээлч (KATSEYE, Addison Rae, Alex Warren гэх мэт) бүгд тайзнаа тусгай үзүүлбэр үзүүлэхээр болжээ.
- Хүндэтгэлийн тоглолт: Энэ жил Оззи Осборнд зориулсан хүндэтгэлийн үзүүлбэрийг Post Malone, Slash болон Andrew Watt нар хамтран хүргэхээр төлөвлөсөн байна.
Нэр дэвшигчдийн өрсөлдөөн
Энэ жилийн номинациудыг рэп болон поп одод тэргүүлж байна:
- Кендрик Ламар (9 нэр дэвшилт): “GNX” цомгоороо оны шилдэг цомог, SZA-тай хамтарсан “Luther” дуугаараа оны шилдэг дуу, бичлэгт нэр дэвшиж байна.
- Леди Гага (7-8 нэр дэвшилт): “Mayhem” цомгоороо эргэн ирж, 2010 онд тогтоож байсан өөрийн рекордоо эвдлээ.
- K-pop-ын түүхэн амжилт: Rosé болон Bruno Mars-ын “APT.” дуу нь K-pop уран бүтээлчдийн хувьд анх удаа Грэммийн гол номинаци болох “Оны шилдэг дуу”, “Оны шилдэг бичлэг” ангилалд нэр дэвшиж түүх бүтээлээ.
Түүхэн онцлох баримтууд
Түүхэнд анх удаа “Оны шилдэг цомог” номинацид гурван өөр рэп цомог (Kendrick Lamar, Clipse, Tyler, the Creator) нэгэн зэрэг нэр дэвшсэн нь хип-хоп хөгжмийн нөлөө асар их байгааг харуулж байна. Мөн Бад Банни испани хэл дээрх цомог, дуугаараа гол төрлүүдэд нэр дэвшсэн анхны уран бүтээлч боллоо.
