Украины “Passion UA” багт зээлээр нэгдсэн Монгол тоглогч М.Азбаяр буюу Senzu шинэ багийнхаа өмнөөс анхны албан ёсны тоглолтоо хийх тов гарлаа. Тэрээр ирэх сарын эхээр болох “ESL Pro League” (EPL)-ийн хүрээнд дэлхийн шилдэг багуудын нэг “Liquid”-тэй тулахаар болжээ.
Энэхүү тэмцээн нь онлайн горимоор явагдах бөгөөд “Passion UA” болон Senzu нарын хувьд томоохон сорилт болох юм. Тоглолтын талаарх дэлгэрэнгүй мэдээллийг хүргэж байна:
Тоглолтын хугацаа: Тэмцээн 3 дугаар сарын 1-нд эхлэх бөгөөд “Passion UA” баг “Liquid”-ийн эсрэг Монголын цагаар 3 дугаар сарын 3-ны өдөр тоглоно.
Тэмцээний систем: Тэмцээн “Single Elimination” буюу шууд хасагдах зарчмаар явагдах тул тоглолт бүр шийдвэрлэх ач холбогдолтой. Аваргын төлөөх тоглолт 3 дугаар сарын 5-ны өдөр болно.
Өрсөлдөгч багууд: Тус тэмцээнд “Passion UA”-аас гадна “Astralis”, “Heroic”, “paiN”, “PARIVISION” зэрэг дэлхийн чансааны шилдэг багууд аваргалахын төлөө өрсөлдөхөөр цуглаад байна.
Senzu-гийн хувьд энэ тоглолт нь түүний Европын баг дахь карьер хэрхэн эхлэхийг харуулах чухал үе юм. Тэрээр багтайгаа Германд бэлтгэл базааж байгаа бөгөөд “Liquid”-ийн эсрэг хийх тоглолт нь Монголын CS2 сонирхогчдын анхаарлын төвд байна. Мөн The MongolZ баг олон улсын тэмцээнүүдэд 1xBet-ийн дэмжлэгтэйгээр оролцож байна.
