Table of Contents
Дэлхийн хамгийн нэр хүндтэй “CS2” тэмцээн болох Мэйжор энэ зургадугаар сарын 3-нд АНУ-ын Остин хотноо эхэлнэ. Тив, бүс нутаг бүрээс шалгарсан 32 баг оролцох тус тэмцээнд Ази, Номхон далайн бүсийг төлөөлөн Монголын хоёр баг — The MongolZ болон Chinggis Warriors оролцоно.
“The MongolZ” багийн хувьд тав дахь удаагаа Мэйжорт шалгарч байгаа бол “Chinggis Warriors” баг анх удаагаа ийнхүү дэлхийн тавцанд хөл тавьж байна.
“Стикер” — тоглоомын ертөнцөд мөнхөрсөн нэр
“CS2” тоглоомыг хөгжүүлэгч Valve компани өнөөдөр (2025.05.23) багуудын стикерийг албан ёсоор танилцууллаа. Энэ бол зөвхөн тоглоомын дизайн бус, түүх болон мөнгө дагуулдаг томоохон маркетингийн хэрэгсэл юм.
Энэ удаад монгол фэнүүдийн бахархлыг төрүүлсэн нэг зүйл бол:
- “The MongolZ” багийн тамирчин mzinho өөрийн стикер дээр дасгалжуулагч “maaRaa”-ийн нэрийг оруулсан
- Тэрбээр хэлэхдээ: “20 жилийг CS-д зориулсан бидний дасгалжуулагч maaRaa үүнийг хүртэх эрхтэй”
Ийнхүү “maaRaa” дасгалжуулагч Valve-ийн стикер системд түүхэнд анх удаа багтсан монгол дасгалжуулагч болж байна.
“Багийн ар талын баатрууд”-ыг үнэлсэн хүндлэл
CS-ийн ертөнцөд дасгалжуулагчид, багийн үүсгэн байгуулагч нар стикерийн нэрд орох эрхгүй байдаг. Гэсэн хэдий ч:
- “Senzu”, “Techno” нар стикер дээрээ багийн үүсгэн байгуулагч “kaz” болон “darkis”-ийн нэрийг оруулсан нь үнэн сэтгэлийн хүндлэл, талархал байлаа.
Стикерийн эдийн засаг, нэр хүндийн нөлөө
- Стикерийн капсуль тоглолтын үеэр худалдаанд гарна
- 1 ам.доллараар капсуль нээх боломжтой бөгөөд дотроос нь аль ч баг, тамирчны стикер гарч болно
- Мэйжор дууссаны дараа Valve орлогоо нэгтгэн, багууд болон тоглогчдод хуваарилдаг
- Тоглогчдын амжилт өндөр байх тусам стикерийн орлого ч өндөр байдаг
Ийнхүү Монголын цахим спортын хөгжилд үнэлэгдээгүй олон жилийн үнэнч хөдөлмөр ийнхүү стикерийн системд бичигдэн үлдэж байна.
2 comments
Үнэхээр бахархмаар амжилт байна, баяр хүргэе Маараа!
Ийм сайхан мэдээ сонсоход урам орж байна, амжилтын дээдийг хүсье