2026 оны зургадугаар сарын 11-нээс долдугаар сарын 19-ний хооронд Хойд Америкийн гурван улс болох АНУ, Мексик, Канадын нутаг дэвсгэрт хөлбөмбөгийн 23 дахь удаагийн Дэлхийн аварга шалгаруулах тэмцээн болох гэж байна. Энэ удаагийн ДАШТ нь түүхэндээ анх удаа гурван улсад зэрэг зохион байгуулагдахаас гадна анх удаа 48 багийн оролцоотой болохоороо онцлог юм.
Тус тэмцээнд оролцох багуудын тоо нэмэгдэж, өнөөдрийн байдлаар нийт 10 улс ДАШТ-д оролцох эрхээ аваад байна. Зохион байгуулагч гурван орны шигшээ баг болох АНУ, Мексик, Канад шууд оролцох эрхтэй бол, бусад багууд бүсийн урьдчилсан шатны тоглолтоор дамжин оролцох боломжтой.
Одоогоор дараах улс орнууд эрхээ аваад байна:
– Өмнөд Америкаас: Аргентин
– Далайн бүсээс: Шинэ Зеланд
– Ази тивээс: Япон, Иран, БНСУ, Узбекистан, Иордан
– Хойд Америкаас: АНУ, Канад, Мексик (зохион байгуулагч орны хувиар шууд эрхтэй)
Эдгээр багуудаас Узбекистан болон Иордан улс анх удаагаа хөлбөмбөгийн Дэлхийн аваргад оролцохоор болсон нь түүхэн амжилт юм. Харин БНСУ 11 дэх удаагаа дараалан ДАШТ-д оролцохоор болж, Азийн бүсийн тогтмол оролцогч гэдгээ дахин баталлаа.
2026 оны ДАШТ нь багийн тоо нэмэгдсэн, хуваарилалтын шинэ системтэй болохоор хүлээлт өндөртэй байгаа бөгөөд олон улсын хөлбөмбөгийн ертөнц энэ тэмцээнийг онцгой тэмдэглэхээр зэхэж байна.
