Нийтийн тээврийн үйлчилгээнд наймдугаар сарын 16-наас эхлэн зарим өөрчлөлт хийгдэж, нэг шинэ чиглэл нээгдэхээр болжээ.
Ч:7 “Нисэх–МУБИС–Ард кино театр” чиглэлийг “Нисэх–МУБИС–Бөмбөгөр худалдааны төв” болгон өөрчилсөн бол Ч:9 “Нисэх–Нарны гүүр–Тэнгис кино театр–Хүнсний 4-р дэлгүүр” чиглэл нь “Нисэх–Нарны гүүр–Тэнгис кино театр–МУБИС” болж өөрчлөгдөнө.
Мөн Ч:22 “Шадивлангийн эцэс–Зуслан–Чингис СООСЭ дээд сургууль” чиглэл нь 83 зогсоолтой, зорчигчийн хүлээлгийн хугацаа урт байсан тул богино эргэлтийн “Шадивлангийн эцэс–МҮЭСТО–Тээврийн товчоо” болгон шинэчлэгдэж байна. Үүнээс гадна шинэ Ч:82 “Чингис СООСЭ–10-р хороолол” чиглэл нээгдэж, иргэдэд үйлчлэх юм.
Нийтийн тээврийн үйлчилгээтэй холбоотой санал хүсэлтийг 24 цагийн турш 70044040 утсаар авах аж.
