Монголын «The MongolZ» баг шөвгийн дөрөвт Францын «Team Vitality»-тай халз тулна

Саудын Арабын Эр-Рияд хотноо зохион байгуулагдаж буй дэлхийн хамгийн нэр хүндтэй цахим спортын тэмцээнүүдийн нэг болох Esports World Cup 2025 үргэлжилж байна. “Counter-Strike 2” тоглоомын шилдэг багууд өрсөлдөж буй уг тэмцээнд Монголын “The MongolZ” баг гайхалтай амжилт гаргаж, шөвгийн дөрөвт шалгараад байна.

Шөвгийн наймын тоглолт

Манай баг шөвгийн наймд Францын “3DMAX”-тай гурван map-аар ялагчийг тодруулах (Bo3) дүрмийн дагуу хүч үзсэн.

• Ancient map: Францын багийн сонгосон энэ талбарт манай залуус хамгаалалтын талаас хүчтэй тоглож, довтолгоонд алдаа гаргасан ч эцэст нь 13:9 оноогоор ялалт байгууллаа.
• Inferno map: “The MongolZ”-ын сонголт байсан ч довтолгоонд боломжоо ашиглаж чадсангүй. Эхний хагаст 6:6-гаар тэнцээд, хамгаалалтад ердөө гурван үе авснаар 9:13-аар ялагдав.
• Nuke map: Шийдвэрлэх гурав дахь тоглолтод манай баг урамтай тоглож, 13:8 харьцаатайгаар өрсөлдөгчөө буулган авч, нийт оноогоор 2:1-ээр ялалт байгуулсан.

Дараагийн өрсөлдөгч

Энэхүү ялалтын ачаар Монголын баг 1.2 сая ам.долларын шагналын сантай тэмцээний шөвгийн дөрөвт шалгарч, энэ долоо хоногийн Бямба гарагийн 22:30 цагт Францын алдарт “Team Vitality” багийн эсрэг тоглохоор товлогджээ.

Шагналын сан

• Түрүүлсэн багт – 500,000 ам.доллар
• Хоёрдугаар байр – 230,000 ам.доллар
• Гуравдугаар байр – 130,000 ам.доллар

Өнөөдрийн байдлаар дэлхийн шилдгүүдийн тоонд зүй ёсоор тооцогдох Оросын “Team Spirit”, Европын “FaZe Clan” багууд тэмцээнээ өндөрлүүлээд байна.

Дэмжигчийн тухай

Монголын багийг дэлхийн хэмжээний ивээн тэтгэгч болох 1xBet албан ёсоор дэмжиж байгаа бөгөөд энэ нь “The MongolZ”-ын олон улсын тавцанд хүчтэй өрсөлдөхөд чухал дэмжлэг болж байна.