Үндэсний дээд лигийн тоглолтууд үргэлжилж байна

Монголын Волейболын Холбооноос зохион байгуулж буй 2025-2026 оны улирлын “Үндэсний дээд лиг”-ийн тоглолтууд “Аса” аренад өрнөж байна. Тоглолтуудыг PSN5 болон NSports сувгаар орон даяар шууд дамжуулж байгаа бөгөөд энэ долоо хоногийн бүх тоглолтыг N Sport сувгаар хүлээн авч үзэх боломжтой.

Шууд дамжуулалтын ерөнхий ивээн тэтгэгчээр Oyu Tolgoi, DDish, Sono, Toki компаниуд оролцож байна.

“Натур бакс” 5 ээлжийн тоглолтоор ялалт авлаа

Энэ сарын 13-нд болсон тоглолтуудаас “Натур бакс” баг “Минтонетт Говь”-ийг 3:2-ын харьцаатай хожиж, улирлынхаа хоёр дахь ялалтыг авлаа.

Тоглолтын шилдэгээр Б.Амар тодорсон бөгөөд тэр 13 довтолгоо, 3 хаалт, 1 давуулалт оновчтой болгож нийт 17 оноо авчээ. Харин “Минтонетт Говь” 2 хожил, 2 хожигдолтой боллоо.

• Сетийн харьцаа:
• 1-р сет: 25-19
• 2-р сет: 23-25
• 3-р сет: 17-25
• 4-р сет: 25-17
• 5-р сет: 15-8

“Хашхан Өвөрхангай” анхны ялалтаа байгууллаа

Дараагийн тоглолт мөн 5 ээлжийн өрсөлдөөнтэй болж, “Хашхан Өвөрхангай” баг “Минтонетт Говь”-ийг 3:2-оор хожиж улирлынхаа анхны ялалтыг авлаа.

Шилдэг тоглогчоор импорт тоглогч Маркензи Бенау тодорч, 15 довтолгоо, 6 хаалт, 3 давуулалт амжилттай гүйцэтгэж нийт 24 оноо авсан байна.

Тус багийн тоглогч Н.Номин хэлэхдээ: “Эхэндээ хожлоор эхэлнэ гэж бодсон ч анхны тоглолтод амжилт муутай байсан. Харин одоо бид илүү ойлголцож, нягт тоглолт үзүүлэхэд бэлэн байна” гэжээ.

Сетийн харьцаа:
1-р сет: 15-25
2-р сет: 25-14
3-р сет: 27-25
4-р сет: 19-25
5-р сет: 15-10

“Мега старс” эргэн ирэлт хийж ялалт байгууллаа

Өдрийн гурав дахь тоглолтод “Мега старс” баг “Алтайн барс Хилчин”-ийг 3:1-ийн харьцаатай буулган авч, улирлынхаа дараагийн ялалтыг байгуулсан.

4-р сетэд “Алтайн барс Хилчин” 21-18-аар тэргүүлж байсан ч “Мега старс” багийн нягт хамгаалалт, хүчтэй довтолгоо давамгайлж 25-23-аар эргэн ирэлт хийжээ.

Шилдэг тоглогчоор импорт тамирчин Колесник Андрей 23 оноо авч шалгарсан бол багийн довтлогч Б.Ганхөлөг ч мөн чухал оноонуудыг авчээ.

• Сетийн харьцаа:
• 1-р сет: 25-23
• 2-р сет: 15-25
• 3-р сет: 25-19
• 4-р сет: 25-23

“Хөвсгөл 7 од” шийдвэрлэх мөчид ялалт байгууллаа

Өнөөдрийн эхний тоглолтод “Хөвсгөл 7 од” баг “Хобби ACE”-г 3:2-ын харьцаатай буулгаж авлаа. Тоглолт шийдвэрлэх 5-р сетэд тун өрсөлдөөнтэй болж, “Хөвсгөл 7 од” 15-13-аар ялалт байгуулсан юм.

Шилдэг тоглогчоор импорт тоглогч Кастилло Витал Ислан тодорч, нийт 23 оноо авсан байна. Ингэснээр “Хөвсгөл 7 од” 4 хожил, 1 хожигдолтойгоор хүснэгтийн 2-р байранд бичигдэж байгаа бол “Хобби ACE” 2 хожил, 2 хожигдолтой болжээ.

• Сетийн харьцаа:
• 1-р сет: 25-23
• 2-р сет: 18-25
• 3-р сет: 16-25
• 4-р сет: 25-16
• 5-р сет: 15-13

Үндэсний дээд лигийн 1-р тойргийн тоглолтуудыг “Аса” аренад зохион байгуулж байгаа бөгөөд бүх тоглолтыг NSports болон PSN5 сувгаар шууд дамжуулан хүргэж байна.