Монголын кибер спортын тэргүүлэгч The MongolZ баг Counter-Strike 2-ын ертөнцийн ээлжит томоохон сорилт болох PGL Cluj-Napoca 2026 тэмцээнд оролцох албан ёсны урилгаа хүлээн авлаа. Румын улсын Клуж-Напока хотод зохион байгуулагдах энэхүү тэмцээнд дэлхийн чансааг тэргүүлэгч хамгийн хүчирхэг 16 баг уригдсан бөгөөд тэд нэг сая ам.долларын шагналын сан болон нэр хүндтэй аваргын цомын төлөө өрсөлдөх юм.
Тэмцээний зохион байгуулалт ба хугацаа
- Зохион байгуулагч: PGL
- Хугацаа: 2026 оны 2 дугаар сарын 14-нөөс 22-ны хооронд
- Байршил: Румын, Клуж-Напока хот
- Төрөл: Counter-Strike 2
- Нийт баг: 16 (Шуд урилгаар)
Оролцох хүчирхэг багуудын жагсаалт
Энэ удаагийн тэмцээнд CS2-ын ертөнцийн “акулууд” бүгд цуглаж байгаа тул өрсөлдөөн маш ширүүн болох нь тодорхой байна. Урилга хүлээн авсан багуудыг танилцуулбал:
- Европ болон бусад бүс: Vitality, Natus Vincere, FaZe Clan, G2 Esports, MOUZ, Astralis, Team Falcons, Heroic, 3DMAX, Aurora, B8, Parivision.
- Америк болон Ази бүс: FURIA, Legacy, paiN Gaming болон The MongolZ.
Тэмцээн хоёрдугаар сарын дундуур эхлэх бөгөөд Монголын баг маань дэлхийн шилдэгүүдтэй хэрхэн тактикийн тулаан хийхийг үзэгч, фенүүд нь тэсэн ядан хүлээж байна. PGL-ийн зохион байгуулж буй тэмцээнүүд нь өндөр чанар, өргөн цар хүрээгээрээ алдартай тул The MongolZ-ийн хувьд чансаагаа ахиулах бас нэгэн том боломж юм.
The MongolZ баг сүүлийн жилүүдэд үзүүлсэн тогтвортой өндөр амжилт, дэлхийн элит багуудыг хожсон үзүүлэлтээрээ энэхүү урилгыг зүй ёсоор авч байна. Тэд олон улсын тавцанд эх орноо төлөөлөн амжилттай оролцоход 1xBet Монголоос үзүүлж буй дэмжлэг, хамтын ажиллагаа чухал үүрэг гүйцэтгэж байгааг онцлох хэрэгтэй.
