K-pop ертөнцийн супер од BLACKPINK хамтлаг 3 жил 5 сарын дараа “Deadline” нэртэй гурав дахь мини цомгоо өнөөдөр Солонгосын цагаар 14:00 цагт дэлхий даяар зэрэг цацлаа. Энэхүү эргэн ирэлт нь тэдний 2022 онд Billboard-ыг тэргүүлж байсан “Born Pink” цомгоос хойшх анхны хамтын бүтээл гэдгээрээ онцлог юм.
Шинэ цомогт багтсан бүтээлүүдийг танилцуулбал:
- Толгой дуу: “GO”
- Урьдчилан гарсан сингл: “JUMP”
- Бусад дуунууд: “Me and My”, “Champion”, “Fxxxboy”
Сурталчилгааны ажил эхэлсэн 2-р сарын 15-наас хойш тус хамтлагийн YouTube суваг өдөрт 10,000 орчим шинэ дагагчаар бүл нэмж, 100 сая дагагчийн босгыг давсан анхны K-pop артист болж түүхэн дээд амжилт тогтоов.
Хөгжим ба соёлын өвийг холбосон “Ягаан” музей
BLACKPINK-ийн эргэн ирэлтийн хамгийн сонирхолтой хэсэг нь Солонгосын Үндэсний музей болон Spotify-той хамтарсан тусгай төсөл байлаа. 2-р сарын 26-наас 3-р сарын 8-ныг хүртэл үргэлжлэх энэхүү арга хэмжээний хүрээнд Үндэсний музейн барилга ягаан өнгөөр гэрэлтэж, “DEADLINE” төслийн уур амьсгалыг бүрдүүлжээ.
Хамтлагийн гишүүд зөвхөн хөгжмөөрөө зогсохгүй, музейн 8 үндсэн үзмэрт аудио тайлбар хийж, зочдод Солонгосын түүх, соёлыг танилцуулж байна. Энэхүү сонирхолтой шийдэл нь тус музейн хувьд K-pop артисттай хийсэн анхны албан ёсны томоохон хамтын ажиллагаа болж буй бөгөөд хөгжмийн фэнүүдийг үндэсний соёлтой ойртуулахад томоохон хувь нэмэр оруулж байна.
