Монголын “СП Фалконс” Азийн Челленж лигийн хэсгийн шатанд өрсөлдөнө

Азийн Челленж лигийн хэсгийн шатны сугалааны тохирол өнөөдөр болж, багуудын хуваарилалт тодорлоо.

Монголын Дээд лигийн сүүлийн хоёр улирал дараалан түрүүлсэн “СП Фалконс” тэгшитгэлийн шатанд Тайванийн “Тайчунг Футуро” багийг 3:1-ээр буулган авч, хэсгийн шатанд шалгарсан билээ.

“Фалконс” баг энэ удаа “D” хэсэгт орж, дараах өрсөлдөгчидтэй хүч үзэхээр боллоо.

1. Филиппиний “Manila Digger”
2. Камбожийн “PKR Svay Rieng”
3. Лаосийн “Ezra”

Энэ хэсгийн бүх тоглолт Камбож улсад 10-р сарын 26-наас 11-р сарын 1-ний хооронд зохион байгуулагдана. Хэсгээс эхний хоёр байр эзэлсэн баг хасагдах шатанд өрсөлдөх эрхтэй болно.