The MongolZ баг HLTV-ийн чансаанд Vitality-г ардаа орхиж, анх удаа нэгдүгээрт бичигдлээ

HLTV-ийн CS2 багуудын дэлхийн чансааны сүүлийн шинэчлэлтээр The MongolZ баг түүхэндээ анх удаа оргилд гарч, Team Vitality-г гүйцэж түрүүлэв!

HLTV ба Valve-ийн чансаа

CS2-д хоёр төрлийн чансаа байдаг – нэгийг нь цахим спортын HLTV платформ гаргадаг бол нөгөөг нь тоглоом хөгжүүлэгч Valve тогтоодог.

HLTV-ийн анхны хувилбар 2015 онд гарсан. Тэд жил HLTV Awards-ыг зохион байгуулдаг бөгөөд гол түнш 1xBet-ийн дэмжлэгтэйгээр шилдэг тоглогчдод “MVP” (хамгийн үнэ цэнтэй тоглогч) цолыг олгодог.

Харин Valve-ийн чансаа 2024 оны эхээр нэвтэрсэн бөгөөд одоо томоохон тэмцээнүүдэд урилгаар оролцох багуудыг сонгоход ашиглагдаж байна. The MongolZ 2025 оны 9-р сарын 15-нд FISSURE Playground #2 тэмцээнд амжилттай тоглосныхоо дараа Valve-ийн өдөр тутмын шинэчлэлтээр дэлхийн нэгдүгээр байранд бичигдсэн билээ.

HLTV долоо хоног бүр шинэчлэгддэг учраас The MongolZ багийн фенүүд дуртай багаа оргилд харахын тулд арай удаан хүлээх хэрэгтэй болсон юм. 2025 оны 9-р сарын 29-ны байдлаар топ-5 дараах байдалтай байна:

1. The MongolZ – 896 оноо
2. Vitality – 880 оноо
3. MOUZ – 600 оноо
4. Spirit – 577 оноо
5. FURIA – 500 оноо

Хоёр чансааны аль алинд нь тусгай алгоритм ашиглан тоглолтын үр дүнд тулгуурлан багийн чансааг тогтоодог. Ялалт, ялагдал, өрсөлдөгчийн чансаа, тэмцээний түвшин, үр дүнгийн шинэчлэлт зэрэг олон хүчин зүйлсийг харгалзан үздэг.

MongolZ хэрхэн HLTV-ийн оргилд хүрэв?

Одоогийн бүрэлдэхүүн нь гол ивээн тэтгэгч 1xBet-тэй хамтран 2023 оны 9-р сарын 7-нд бүрдсэн бөгөөд энэ үед Senzu багт нэгдсэн юм.  Шинэ бүрэлдэхүүн анх 2023 оны 9-р сарын 11-нд дэлхийн чансаанд орж ирэхдээ 25-р байранд жагсаж байсан бол тоглогчид бие биеэ бүрэн мэдэрч эхлэх хүртэл баг 50-р байр хүртэл ухарчээ. Энэ нь тэдний хамгийн доод амжилт байв. Тэдний замналын гол цэгүүдийг дараах байдлаар тодорхойлж болно:

• 50-р байр (2023.11.06) – аяллын эхлэл
• 20-р байр (2023.12.18) – DreamHack Atlanta 2023-ийн ESL Challenger-д амжилт гаргаж, 30 байр ахин топ-20-д багтсан
• 10-р байр (2024.07.29) – YaLLa Compass 2024-д алтан медаль, Skyesports Championship 2024-д мөнгөн медаль хүртсэний дараа топ-10-д орсон
• 7-р байр (2024.12.16) – Perfect World Shanghai Major 2024-ийн плей-оффт шалгарсан
• 5-р байр (2025.05.26) – IEM Dallas 2025-д хүрэл медаль авч топ-5-д багтсан
• 3-р байр (2025.07.07) – BLAST.tv Austin Major 2025-д мөнгөн медаль авсны дараа топ-3-т багтсан
• 1-р байр (2025.09.29) – BLAST Bounty Fall 2025, Esports World Cup 2025, FISSURE Playground #2 зэрэг тэмцээнүүдэд тогтмол сайн амжилт үзүүлсний ачаар дэлхийн нэгдүгээрт гарсан

Ингэснээр The MongolZ хоёр жилийн дотор 50-аас 1-р байр хүртэл гарсан нь үнэхээр гайхалтай амжилт юм! Монголын багийн эдгээр амжилтууд улс орны нэрийг дэлхийд өндөрт өргөж байна.

The MongolZ-ийн тоглогчид болох bLitz, Techno4K, 910, mzinho, Senzu нар ямар ч бүс нутгаас гаралтай байлаа авьяаслаг, зорилготой тоглогчид боломжгүй зүйл гэж үгүйг үлгэрлэн харуулж байна. Тэдний амжилт Монголын залуу тоглогчдод мэргэжлийн замналаа эртнээс нухацтай төлөвлөн, шилдэгт хүрэхийн төлөө чармайх урам зориг өгч байна.

1xBet Монголоос The MongolZ багтаа StarLadder Budapest Major 2025-д амжилт хүсье! Мөн тэд HLTV болон Valve-ийн дэлхийн чансааны оргилд удаан хугацаанд тогтвортой байр сууриа хадгалаасай гэж хүсэж байна.