Монгол Улсын Ерөнхий сайд Л.Оюун-Эрдэнэд итгэл хүлээлгэх эсэх асуудлыг өнөөдөр УИХ-ын байнгын хороо болон чуулганы хуралдаанаар хэлэлцэх гэж байна. Тэрбээр уг асуудлыг өнгөрсөн Лхагва гарагт УИХ-д өөрийн хүсэлтээр оруулсан бөгөөд холбогдох хуулийн дагуу хэлэлцүүлэг өнөөдөр явагдахаар товлогджээ.
Улсын Их Хурлын чуулганы дэгийн тухай хуульд зааснаар Ерөнхий сайдад итгэл хүлээлгэх эсэхийг парламент хэлэлцэж шийдвэрлэхдээ асуудлыг оруулснаас хойш гурав хоногийн дараа эхний шатны хэлэлцүүлгийг хийх ёстой. Энэ хүрээнд өнөөдөр 12:00 цагт Төрийн байгуулалтын байнгын хороо хуралдаж, уг асуудлыг хэлэлцэх бол 14:00 цагаас УИХ-ын чуулганы нэгдсэн хуралдаанаар үргэлжлүүлэн хэлэлцэх юм.
Хэрэв УИХ-ын гишүүдийн олонх нь Ерөнхий сайдад итгэл хүлээлгэх шийдвэр гаргавал Л.Оюун-Эрдэнэ үүрэгт ажлаа үргэлжлүүлэн гүйцэтгэх болно. Харин эсрэг олонх санал гарвал тэрбээр огцорсонд тооцогдож, Үндсэн хуулийн дагуу шинэ Ерөнхий сайдыг 30 хоногийн дотор томилох шаардлагатай болно.
2 комментария
УИХ ямар шийдвэр гаргах бол гэж бодож байна. Ярилцах биш үйлдэл хийх цаг болжээ
Ард түмний эрх ашгийг улс төрийн тоглоомоос дээгүүр тавих эсэхийг харъя