Монгол Улсын хилээр хууль бус эд зүйлсийг нэвтрүүлэх оролдлого гарч, Замын-Үүд сум дахь Хилийн цэргийн 0108 дугаар ангийн хариуцсан хэсэгт илрүүлэгдлээ.
Өчигдөр буюу энэ сарын 9-ний өдрийн 21:00 цагийн үед 152 ширхэг бөхөнгийн эвэр болон GPS төхөөрөмжийн хамт хил давуулахыг завджээ.
Илрүүлсэн Байдал
Монгол Улсаас БНХАУ руу гарах чиглэлийн 1294 дугаартай ачааны галт тэрэгний 27 дугаар вагоныг шалгах явцад уг хууль бус үйлдэл илэрсэн байна.
Хилийн цэргийн дэд ахлагч Э.Бадрах болон Л.Батсайхан нар тус вагоны рамын хөндийд нуусан 9 боодол эд зүйлийг илрүүлжээ.
Журмын дагуу холбогдох байгууллагын бүрэлдэхүүний хамтаар нарийвчилсан шалгалт явуулахад, илэрсэн зүйлс нь нийт 34.2 килограмм жинтэй 152 ширхэг бөхөнгийн эвэр болон нэг ширхэг GPS төхөөрөмж байсныг тогтоосон байна.
Илэрсэн хууль бус эд зүйлсийг шаардлагатай арга хэмжээг авахуулахаар харьяа байгууллагад шилжүүлсэн байна.
