“The MongolZ” баг дэлхийн чансаанд түүхэн амжилт үзүүллээ — гуравдугаарт бичигдэв

Цахим спортын хамгийн том платформуудын нэг болох HLTV.org өчигдөр /2025.07.07/ Counter-Strike 2 (CS2) төрлийн шинэчлэгдсэн дэлхийн чансааг нийтэллээ. Энэ удаад Монголын «The MongolZ» баг нэг байр ахиж, 459 оноогоор дэлхийд гуравдугаарт бичигдэж эхэлсэн нь түүхэн амжилт боллоо. Ийнхүү тус баг өмнө нь хэзээ ч хүрч байгаагүй дэлхийн дээд түвшинд алхам хийжээ.

Дэлхийн чансааг Францын «Vitality» баг 1000 оноогоор тасархай тэргүүлж, түүний араас Германы «MOUZ» 535 оноотой жагсаж байна. Харин Монголын бахархал болсон “The MongolZ” баг тэдний араас гуравдугаарт бичигдэж, Оросын «Spirit» багийг гүйцэж, тэднийг дөрөвдүгээр байранд буулгав.

Топ 5 чансаа (HLTV 2025.07.07):

Vitality – 1000 оноо

MOUZ – 535 оноо

The MongolZ – 459 оноо

Spirit – 411 оноо

Aurora – (оноо тодорхойгүй)

Чансаанд хамгийн том өөрчлөлт бол «The MongolZ» болон «Spirit» багуудын байр солигдсон явдал юм. Оросын баг саяхан бүрэлдэхүүндээ өөрчлөлт оруулж, “magixx”-ийг сэлгээнд шилжүүлэн, түүний оронд “zweih” хэмээх 16 настай шинэ залуу тоглогчийг багтаа нэгтгэсэн нь бага зэрэг байр ухрах шалтгаан болжээ.

Харин «The MongolZ» багийн тоглолт тогтвортой, өндөр түвшинд үргэлжилж байгаа бөгөөд тэд Азийн бүсэд илт давуу байршилтай байна. HLTV-ийн Ази тивийн чансаагаар тус баг 459 оноотой бол тэдний ард бичигдэж буй Хятадын “Lynn Vision” ердөө 79 оноотой байгаа нь ялгааг тодхон харуулна. Монголын өөр нэг баг болох «Chinggis Warriors» 22 оноотойгоор Азийн дөрөвдүгээр байрт оржээ.

Энэхүү чансаагаар «The MongolZ» баг 2025 онд зохиогдох бүхий л олон улсын томоохон тэмцээнд шууд урилгаар оролцох эрхтэй болж байгаа юм.

Тус багийн ерөнхий ивээн тэтгэгчээр дэлхийн спортын бооцооны тэргүүлэгч компани болох 1xBet ажиллаж байгаа бөгөөд The MongolZ-ийн олон улсын амжилтад бодит дэмжлэг үзүүлсээр байна. Мөн тэд нь тоглогчдод зориулсан онлайн 1xBet тоглоом нэртэй төрөл бүрийн урамшуулалт хөтөлбөртэй, esports төрөлд онцгой анхаардаг платформ юм.