Улсын хэмжээнд 2026 оны 08 дугаар сарын 01-нээс 05-ны өдрүүдэд нийт 162 вагон буюу 9,720 тонн АИ-92 автобензин импортоор орж иржээ. Одоогийн байдлаар АИ-92 автобензиний нөөц 11 хоногийн хэрэглээг хангах түвшинд байгаа талаар мэдээллээ.
Шатахууны төрлөөр авч үзвэл АИ-95 автобензиний нөөц 13 хоног, дизель түлшний нөөц 18 хоног, ТС-1 буюу онгоцны түлшний нөөц 10 хоног байна. Иймд шатахууны татан авалт хэвийн үргэлжилбэл нөөц тасалдах эрсдэлийг бууруулах боломжтой гэж үзэж байна.
Шатахууны нөөцийн түвшин:
- АИ-92 автобензин: 11 хоног
- АИ-95 автобензин: 13 хоног
- Дизель түлш: 18 хоног
- ТС-1 буюу онгоцны түлш: 10 хоног
Мөн Шуурхай штабын шийдвэрээр нийслэлд шатахуун түгээлтийн зохицуулалтыг үе шаттайгаар хэрэгжүүлж эхэлжээ. Энэхүү зохицуулалтын үр дүнд нэг өдөрт шатахуун авсан автомашины тоо 38,000-аас 115,000 болж өссөн байна.
Ингэснээр шатахууны хүртээмж 2.5 дахин нэмэгдэж, шатахуун түгээх станцуудын ачаалал тодорхой хэмжээнд буурчээ. Татан авалт хэвийн үргэлжлэх хугацаанд зам болон ШТС-ууд дээр үүсэж буй зохиомол дугаарлалт багасах эерэг үр дүн гарч байна гэв.
