Монголын цахим спортын “The MongolZ” баг CS2-ын “1win Private Club Season 2” тэмцээний аварга боллоо. Тэд гранд-финалд “pvision” багийг 3:0 харьцаатай хуурай ялав. Энэхүү цом нь The MongolZ-ийн хувьд “Esports World Cup 2025” тэмцээнд түрүүлснээс хойших сүүлийн 14 сарын хугацаанд авсан анхны түрүү болж байна.
Уг тэмцээн нь тэдний шинэчлэгдсэн бүрэлдэхүүний хувьд албан ёсны анхны гараа байлаа. Үндсэн бүрэлдэхүүнд «cobrazera» эргэн нэгдсэн бол “The Huns” багаас шилжин ирсэн 28 настай «nin9» шинэ тоглогчоор тоглосон юм.
«Senzu» сэлгээнд шилжүүлж (улмаар багаас явсан), «mzinho» “BC.Game” баг руу шилжсэний дараа «bLitz» ахалсан тус хамт олон тодорхой уналтад орж, удаан хугацааны турш дэлхийн tier-1 түвшинд эргэн гарахад бэрхшээлтэй байсан билээ.
Хэдийгээр тэдний “PGL Major Singapore 2026” тэмцээнд оролцох эрх эргэлзээгүй байсан ч багийн тааруу форм нь мейжорын хоёрдугаар шатанд шууд уригдах эрхийг эрсдэлд оруулаад байв. Харин “1win Private Club Season 2”-т түрүүлсэн нь уг эргэлзээг бараг бүрэн арилгалаа.
The MongolZ баг тэмцээнд түрүүлснээр 25,000 ам.долларын шагнал хүртсэн байна. Тэд тус тэмцээнд 1xBet-ийн дэмжлэгтэйгээр оролцжээ.
