“Сүнс” хамтлагийн гишүүн Ж.Замилан 2026 оны аравдугаар сарын 15-нд цахим хуудсандаа эрүүл мэндийн байдлынхаа талаар нийтэлж, амьдрах хугацаа нь гурван сараас бага үлдсэн гэж өөрөө мэдээлжээ.
Тэрбээр “Амьдрах хугацаа минь гурван сар хүрэхгүй болсон байна. Өвчин гэдэг үнэхээр хэцүү юм. Гэвч би шантрахгүй. Ганц өдөр Замиатайгаа дуулж хуурдах нөхөд холбогдоорой” хэмээн бичсэн байна.
Тавдугаар сард бие даасан тоглолтоо хийсэн
Ж.Замилан нь “Чингис хаан” хамтлагийн ахлагч, Төрийн шагналт, Ардын жүжигчин Д.Жаргалсайханы хүү бөгөөд “Сүнс” хамтлагийн гишүүн юм.
Тэрбээр өнгөрсөн тавдугаар сард “Амьдралд би хайртай” нэртэй бие даасан тоглолтоо хийсэн. Тухайн үедээ “Надад сахилгагүйтэж явсан үе бий. Гэхдээ аливаа уран бүтээл хийхэд нас оройтдоггүй гэдгийг мэдэрч байна” хэмээн ярьж байжээ.
Ж.Замилан өвчнийхөө онош, эмчилгээний талаар дэлгэрэнгүй мэдээлэл өгөөгүй бөгөөд дээрх мэдээлэл нь түүний өөрийн цахим хуудсанд нийтэлсэн мэдэгдэлд үндэслэж байна.
