10
Төрийн шагналт, Ардын жүжигчин Ц.Намсрайжавын нэрэмжит Улсын филармонийн симфони оркестр “Best of Overture” концертоо аравдугаар сарын 24-нд үзэгчдэд хүргэнэ.
Тус тоглолтыг удирдаач Б.Анар удирдах бөгөөд дэлхийн сонгодог болон кино хөгжмийн бүтээлүүдээс бүрдсэн удиртгалын хөтөлбөр толилуулах юм.
Хөтөлбөрт сонгодог бүтээлүүд багтжээ
Концертын үеэр дараах бүтээлүүдийг эгшиглүүлэхээр төлөвлөсөн байна.
- А.Бородин — “Игорь ван” дуурийн удиртгал
- Л.В.Бетховен — “Леонора” удиртгал №3, До мажор, Op.72
- Р.Вагнер — “Риенци” дуурийн удиртгал
- П.И.Чайковский — “Ромео ба Жульетта” уран сэтгэмжит удиртгал
- Ж.Уильямс — “Ертөнцийн адал явдал” киноны удиртгал хөгжим
Ийнхүү “Best of Overture” тоглолтоор дуурь, симфони болон кино хөгжмийн нэртэй удиртгалуудыг нэг тайзнаа толилуулах гэж байна.
