32
Дэлхийн Мастеруудын хөнгөн атлетикийн ДАШТ-ий 90-ээс дээш насныхны 100 метрийн гүйлтийн төрөлд Монгол Улсын Гавьяат Тамирчин Ц.Раднаа түрүүлж, алтан медаль хүртлээ. 2026 оны наймдугаар сарын 22-ноос есдүгээр сарын 3-ны өдрүүдэд үргэлжлэх тус тэмцээнд тэрбээр ийнхүү дахин манлайлав.
Өмнөх амжилт ба дэлхийн дээд рекордууд
МУГТ Ц.Раднаа нь өмнөх жилийн тэмцээнд 90-94 насны ангилалд оролцож, зургаан алтан медаль хүртэн дэлхийн болон тэмцээний хэд хэдэн рекордыг шинэчлэн тогтоож байсан түүхтэй.
Түүний 90-94 насны ангилалд үзүүлж байсан шилдэг амжилтууд:
- 200 метрийн гүйлт: 37.12 секундийн амжилтаар алтан медаль хүртэж, дэлхийн дээд амжилт тогтоосон,
- 1500 метрийн гүйлт: 7:55.12 хугацаагаар барианд орж, дэлхийн дээд амжилтыг шинэчилсэн,
- 60, 400, 800 метрийн гүйлт: Тус бүр алтан медаль хүртэж, тэмцээний дээд амжилтын эзэн болсон,
- Гурвын харайлт: Алтан медаль хүртсэн.
Өдгөө 90 гарсан насандаа олон улсын дэвжээнд эх орныхоо нэрийг дуурсган, дэлхийн амжилтуудыг түүчээлж буй МУГТ Ц.Раднаагийн тэмүүлэл нь биеийн тамир, эрүүл амьдралын хэв маягийн том үлгэр дуурайл болж байна.
