Дэлхийн поп хөгжмийн од Тэйлор Свифт болон NFL-ийн тамирчин Трэвис Келси нар Нью-Йорк хотын зүрхэнд хайр дурлалаа албан ёсоор баталгаажууллаа. Тэд 2026 оны долоодугаар сарын 3-ны өдөр 20 мянган хүний багтаамжтай алдарт Мэдисон Сквер Гарден цэнгэлдэх хүрээлэнг бүхэлд нь захиалж, хуримын тансаг ёслолоо хийсэн байна. Олон улсын хэвлэл мэдээллийн хэрэгслүүд энэхүү үйл явдлыг “Америкийн хааны хурим” хэмээн тодорхойлж, сүүлийн жилүүдийн хамгийн өндөр нууцлалтай бөгөөд олны анхаарал татсан алдартнуудын баяраар нэрлэж байна.
Мэдисон Сквер Гарденд болсон нууцлаг бөгөөд нүсэр ёслол
Тус ёслолд урлаг соёл, спортын ертөнцийн элитүүдээс бүрдсэн ойролцоогоор 1,000 зочин уригдан оролцсон бөгөөд хамгаалалтыг дээд цэгт нь тулгаж, дотор нэвтэрсэн хүмүүсийн гар утсыг ашиглахыг хатуу хоригложээ. Дэлхий даяар сар гаруйн хугацаанд хүлээлт үүсгэсэн уг арга хэмжээний үеэр хотыг чимсэн хэд хэдэн онцлох гэрлэн чимэглэлүүд ассан юм. Мэдисон Сквер Гардений гадна талд “JusT&T Married” гэсэн мэндчилгээ бүхий дүрслэл тодорсон бол Нью-Йорк хотын бэлгэ тэмдэг болсон Эмпайр Стэйт Билдинг цамхаг хосуудад зориулан цайвар цэнхэр өнгөөр туяарчээ.
Сүй тавьснаас хурим хүртэлх түүхэн өдрүүд
Залуу хосуудын хайрын түүх анх 2023 оноос эхэлж, алхам тутамдаа олон нийтийн хараанд байж ирсэн билээ. Тэд 2025 онд албан ёсоор сүй тавьснаа олон нийтэд зарласан бөгөөд хуримын тухай мэдээлэл дэлхий нийтийг удаан хугацаанд шуугиулсан юм. Түүхэн баярын үеэр гол үүрэг гүйцэтгэсэн эрхмүүдийг дурдвал:
- Жүжигчин, инээдмийн уран бүтээлч Адам Сандлер – Ёслолын ерөнхий хөтлөгч
- Тэйлорын ах Остин Свифт – Хуримын хүндэт гэрч буюу “man of honor”
- Трэвисийн ах Жейсон Келси – Хүргэний талын шилдэг хүргэн
2 comments
Хэрэв үнэн бол сайхан мэдээ байна
Хоёуланд нь аз жаргал хүсье