Өмнөд Солонгосын алдарт “BLACKPINK” хамтлагийн гишүүн, дуучин Лиса АНУ, Канад, Мексик улсуудад хамтран зохион байгуулах хөлбөмбөгийн ДАШТ-ий нээлтийн арга хэмжээнд ая дуугаа өргөхөөр болсон байна. “The Athletic” хэвлэлийн мэдээлснээр, Лиса АНУ-д болох нээлтийн ёслолд оролцох гэрээгээ ФИФА-тай албан ёсоор байгуулжээ. Ингэснээр тэрээр Олимпын наадмын дараа ордог дэлхийн спортын хамгийн том арга хэмжээнд уригдсан анхны эмэгтэй к-поп уран бүтээлч болж, түүхэн амжилт тогтоож байна.
Лиса зургаадугаар сарын 12-ны өдөр Лос-Анжелес хотын “SoFi Stadium” цэнгэлдэх хүрээлэнд болох АНУ болон Парагвайн шигшээ багуудын тоглолтын өмнө тайзнаа гарна. Энэхүү тоглолтын өмнө болон завсарлагын үеэр түүнээс гадна дэлхийн хэмжээний олон одод оролцох юм:
- АНУ-д: Кэти Перри, Future, DJ Sanjoy, Марилина Богадо нар.
- Мексикт: Maná, Алехандро Фернандес, Белинда болон дуучин Tyla.
- Канадад: Майкл Бубле, Аланис Мориссетт болон Алессия Кара нар.
Зохион байгуулагчдын зүгээс хөгжөөн дэмжигчдэд зориулсан хөгжмийн тоглолтыг үндсэн тоглолтын шүгэл дуугарахаас 90 минутын өмнө эхлүүлэхээр төлөвлөж байгаа ажээ.
2 comments
Lisa үнэхээр дэлхийн хэмжээний од болжээ
Нээлтийн шоу их гоё болох байх даа