Дэлхийн хамгийн өндөр зах зээлийн үнэлгээтэй хөлбөмбөгчдийн шинэчилсэн чансаа нийтлэгдлээ. Уг жагсаалтад нийт 100 тоглогч багтсан байна.
Спортын судалгааны олон улсын төв (CIES)-ийн мэдээлснээр, хөлбөмбөгчдийн трансфер (шилжилт хөдөлгөөн)-ийн үнэ цэнийг тус төвийн өөрсдийн статистик загварт үндэслэн тооцоолж гаргажээ.
Энэхүү чансааг Испанийн “Барселона” клубийн 18 настай жигүүрийн довтлогч Ламин Ямаль тасархай хугацаагаар тэргүүлсэн байна.
Шилдэг 20 тоглогчийн жагсаалт:
- Ламин Ямаль (“Барселона”) – 358.1 сая евро
- Эрлинг Холанд (“Манчестер Сити”) – 227.3 сая евро
- Килиан Мбаппе (“Реал”) – 165.7 сая евро
- Майкл Олисе (“Бавария”) – 140.5 сая евро
- Морган Роджерс (“Астон Вилла”) – 136.8 сая евро
- Дезире Дуэ (ПСЖ) – 133.2 сая евро
- Кенан Йылдыз (“Ювентус”) – 133 сая евро
- Нико О’Райли (“Манчестер Сити”) – 125 сая евро
- Арда Гюлер (“Реал”) – 124.8 сая евро
- Пау Кубарси (“Барселона”) – 124.6 сая евро
- Флориан Вирц (“Ливерпуль”) – 124.1 сая евро
- Педри (“Барселона”) – 120.6 сая евро
- Джуд Беллингем (“Реал”) – 120.3 сая евро
- Ян Диоманд (“РБ Лейпциг”) – 118.7 сая евро
- Уго Экитике (“Ливерпуль”) – 118.3 сая евро
- Жоау Невеш (ПСЖ) – 117.1 сая евро
- Фермин Лопес (“Барселона”) – 115.9 сая евро
- Эстевао (“Челси”) – 113.4 сая евро
- Дин Хёйсен (“Реал”) – 112 сая евро
- Букайо Сака (“Арсенал”) – 111.2 сая евро
Бусад онцлох тоглогчид
Жагсаалтын шилдэг 20-ийн араас “Челси” клубийн Коул Палмер 21-р байранд (110.6 сая евро), “Атлетико”-гийн Хулиан Альварес 22-р байранд (109.6 сая евро) тус тус бичигджээ.
Мөн ПСЖ-д тоглож буй Хвича Кварацхелия 100.9 сая еврогийн үнэлгээгээр 26-р байранд эрэмблэгдсэн бол, “Реал Мадрид” клубийн одонгуудын нэг Винисиус Жуниор 83.8 сая еврогийн үнэлгээгээр чансааны 50-р байранд орсон байна.
