HBO “Harry Potter” цувралын хоёрдугаар улирлын нэгэн чухал дүрийн шинэ жүжигчнийг сонгожээ. Deadline-ийн мэдээлснээр, үргэлжлэл ангид “Game of Thrones”-ийн од Кит Харингтон тоглож, Гилдерой Локхартын дүрийг бүтээхээр болсон байна.
Харингтон Харри Поттерийн Хогвартст суралцах хоёр дахь жилд Харанхуйн урлагаас хамгаалах хичээлийг заах багшийн дүрд тоглох юм.
Николас Холт хуваарийн улмаас татгалзжээ
Анх энэ дүрд Николас Холт тоглохоор төлөвлөгдөж байсан ч “Superman” киноны жүжигчин зураг авалтын хуваарь нь гэнэт өөрчлөгдсөний улмаас цаг гаргаж чадаагүй байна.
Сонирхолтой нь, Кит Харингтон өмнө нь Локхартын дүртэй холбоотой ажиллаж байжээ. Тэрээр “Harry Potter and the Chamber of Secrets” буюу “Харри Поттер ба Нууцат өрөө”-ийн аудио хувилбарт уг дүрд дуу оруулсан байна.
Зураг авалт намар эхэлнэ
Энэ удаа 39 настай жүжигчин Гилдерой Локхартыг HBO-ийн томоохон цувралд дэлгэцээр амилуулах боломжтой болж байна.
Кит Харингтон “Harry Potter” цувралын жүжигчдийн бүрэлдэхүүнд намар нэгдэнэ. Энэ үед шоуны үргэлжлэлийн зураг авалт эхлэхээр төлөвлөгджээ. Харин фантастик цувралын эхний улирал 12-р сарын 25-нд HBO-ийн онлайн кинотеатрт нээлтээ хийх юм.
1 comment
Ийм мундаг жүжигчин оролцож байгаа юм чинь цуврал нь үнэхээр гоё болох байх