БНХАУ-ын дарга Ши Жиньпин 9-р сарын 23-25-нд АНУ-д айлчлах үеэрээ амрах шаардлагатайг хөтөлбөрт тусгахыг Хятадын албаныхан Америкийн талд хүссэн гэж The Wall Street Journal (WSJ) эх сурвалжуудаас эш татан мэдээлжээ.
“Ши Жиньпиний хөтөлбөрт оруулсан ердийн бус амралтын завсарлага дээд хэмжээний уулзалтын үеэр [АНУ-ын ерөнхийлөгч Дональд] Трамптай өнгөрүүлэх хэдэн цагийг хассан. Хятадын албаныхан Ши Жиньпиний амрах хэрэгцээг харгалзан үзэхийг хүсэж, АНУ-ын талд ер бусын шаардлагууд тавьсан. Гол хүсэлт нь арга хэмжээнүүдийн хооронд амрах зориулалттай тусдаа өрөөг Цагаан ордны Баруун жигүүрт гаргаж өгөх явдал байв. Тэр өрөөнд зөвхөн түүний гэргий Пэн Лиюань хамт байж болохоор байсан” гэж тус сонинд дурджээ.
Эх сурвалжуудын мэдээлснээр, Хятадын тал мөн 9-р сарын 24-нд хоёр улсын удирдагчдын оролцоотой хийхээр төлөвлөсөн ажлын үдийн зоогийг цуцалсан байна.
WSJ-ийн эх сурвалжуудын хэлснээр, Хятадын тал Ши Жиньпиний айлчлалын үеэр амрахад илүү их цаг шаардлагатайг тайлбарлажээ. Үүний улмаас дээд хэмжээний уулзалтын хөтөлбөрт ойролцоогоор таван цагийн завсарлага гарсан байна.
