Vogue сэтгүүл Саудын Арабын “Аль-Наср” болон Португалийн шигшээ багийн довтлогч Криштиану Роналду, модель Джорджина Родригес нарын хуримын онцгой кадруудыг нийтэлжээ. Зургуудыг тус хэвлэл X нийгмийн сүлжээн дэх хуудсандаа байршуулсан байна.
Хуримын ёслол 8-р сарын 11-нд Португалид болсон бөгөөд энэ өдөр хос анх танилцсаны 10 жилийн ойтой давхцжээ.
Ёслолыг гэртээ даруухан хийжээ
Шинэ гэр бүл болсон хос томоохон хэмжээний баяр хийхээс татгалзаж, ёслолоо өөрсдийн гэрийн зочны өрөөнд зохион байгуулсан байна. Родригесийн хэлснээр, хурим яг түүний төсөөлж байсан шиг болжээ.
Зочдод зориулан хос баярын газрын ойролцоо байрлах таван одтой Savoy Palace зочид буудлыг захиалсан байна. Тус буудлын үйлчлүүлэгчдэд 8-р сарын 7, 8-нд хоёр давхар болон хэд хэдэн барны бүс хаагдах тухай урьдчилан мэдэгдсэн аж.
Роналду, Родригес нар 2016 оноос хойш хамт байгаа. Хөлбөмбөгчин Родригестой дундаасаа төрсөн Алана Мартина, Белла Эсмеральда охидоо өсгөж байна. Мөн тэрээр тээгч эхээс төрсөн гурван хүүхэд болох Криштиану-жуниор, Ева, Матео нарыг өсгөдөг юм.
