Кремлийн зүгээс БНХАУ-тай тогтоосон стратегийн хамтын ажиллагаагаа шат ахиулан гүнзгийрүүлж, Вашингтон-Бээжингийн холбооноос хавьгүй “онцгой, гүн түвшний” харилцаатай гэдгээ дэлхий нийтэд харуулахыг эрмэлзэж байна. Энэхүү геополитикийн далд мессежийг ОХУ-ын удирдлагуудын сүүлийн үеийн мэдэгдлээс тодорхой уншиж болох талаар BBC агентлаг онцлон мэдээллээ. Үүний зэрэгцээ Оросын төрийн мэдлийн болон томоохон хэвлэл мэдээллийн хэрэгслүүдээр АНУ-ын Ерөнхийлөгч Д.Трампын Бээжинд хийсэн айлчлалыг нэлээд хурцаар шүүмжилсэн материалыг ар араас нь нийтэлсээр байна.
Оросын томоохон сонинууд хоёр гүрний удирдагчдын дипломат харилцааг харьцуулахдаа АНУ-ын байр суурийг үгүйсгэсэн дараах дүгнэлтүүдийг хийжээ. Тухайлбал, В.Путины Бээжинд хийж буй айлчлалын үеэр орон нутгийн хэвлэлүүдэд ийм байр суурь туссан байна:
- “Известия” сонин: “Бодит үр дүнгийн хувьд энэ айлчлал бүтэлгүйтэл болсон. Америкчууд өөрөөр мэдэгдэж байгаа ч үнэн нь ENDЭ” хэмээн АНУ-ын удирдагчийн айлчлалыг дүгнэжээ.
- “Комсомольская правда” сонин: “В.Путиныг дагалдан явдаг Оросын дипломатчид америкчуудаас ялгаатай нь Хятадын ёс заншил, дипломат нарийн мэдрэмжийг ойлгодог. Д.Трамп Хятадын соёлыг ойлгодоггүй, ойлгохыг ч хүсдэггүй” гэж онцлон тэмдэглэв.
- “Аргументы и факты” сонин: “Бээжин Оросын удирдагчийг найдвартай холбоотон гэж хүлээн авч байна. Харин Америкийн удирдагчийг юу хийх нь тодорхойгүй өрсөлдөгч гэж харж байна” хэмээн тус тус бичжээ.
Ерөнхийлөгч В.Путин Бээжинд хүрэлцэн ірэхийнхээ өмнө хоёр улсын түншлэл “урьд өмнө байгаагүй харилцан ойлголцлын түвшинд хүрсэн” гэдгийг тусгай дүрс бичлэгээр дамжуулан илэрхийлээд байсан юм. Украинд дайн эхлүүлснээс хойш Оросын эдийн засаг урд хөршөөсөө шууд хамааралтай болоод байгаа бөгөөд энэ удаагийн дээд хэмжээний уулзалтаар Москва Бээжинтэй ярьж буй “шинэ хийн хоолойн төслийг урагшлуулахыг хүсэж байна” гэдгээ илэрхийлж буй аж.
Нөгөө талдаа БНХАУ-ын дарга Ши Жиньпин барууны орнуудтай эдийн засаг, худалдааны салбарт тогтвортой харилцаагаа хэвээр хадгалах сонирхолтой байгаа бөгөөд сүүлийн саруудад Европ болон АНУ-ын төлөөлөгчидтэй уулзаж, идэвхтэй яриа хэлэлцээ хийж байна. Бээжин Украины зөрчил дээр “төвийг сахисан” байр сууриа алдахгүйг хичээж байгаа ч дэлхийн геополитикт илүү нөлөө бүхий тоглогч болох амбицаа нуухгүй байгаа юм. Ажиглагчдын таамаглаж буйгаар, Хятадын тал Оросыг стратегийн гол хөрш гэж үзэж байгаа төдийгүй Кремлийг тогтворгүй байдалд орохоос сэргийлэх сонирхолтой тул Москватай ойр байхын зэрэгцээ баруунтай холбоогоо таслахгүй байх тэнцвэрт бодлогыг чадварлаг хэрэгжүүлж байна.
