Английн “Манчестер Сити” клуб ФИФА-гаас ДАШТ-ий оролцооны төлөө олгодог санхүүжилтээр дараалан гурав дахь удаагаа дэлхийн клубуудыг манлайлахаар боллоо. Энэ тухай The Athletic мэдээлэв.
Рекорд амжилт тогтоосон санхүүжилтийн сан
2026 оны ДАШТ-ий Клубуудын урамшууллын хөтөлбөрийн (Club Benefits Programme – CBP) нийт сан нь рекордын 355 сая ам.доллар-т хүрсэн бөгөөд энэ нь Орос болон Катарт болсон өмнөх хоёр ДАШТ-ийхээс 70%-иар өссөн үзүүлэлт юм.
Энэхүү санг дараах байдлаар хуваарилна:
- 250 сая ам.доллар: Шигшээ тэмцээнд тоглогчид нь оролцсон клубуудад,
- 100 сая ам.доллар: Урьдчилсан шатны тоглолтуудад тоглогчид нь оролцсон клубуудад,
- 5 сая ам.доллар: Клубүүдийн хөлбөмбөгийн хөгжилд зориулагдах аж.
Хамгийн өндөр орлого олох клубууд
The Athletic-ийн тооцоолсноор, “Манчестер Сити” нь тэмцээний сүүлийн шатанд (шигшээ тоглолт болон 3-р байрын төлөөх тоглолт) шалгарсан 6 тоглогчийнхоо ачаар ойролцоогоор 4.4 сая ам.доллар олох аж. Тэдгээр тоглогчид нь:
- Райан Шерки (Rayan Cherki – Франц)
- Марк Гехи (Marc Guéhi – Англи)
- Нико О’Рейли (Nico O’Reilly – Англи)
- Джон Стоунз (John Stones – Англи)
- Джеймс Траффорд (James Trafford – Англи)
- Родри (Rodri – Испани) нар юм.
Хоёрдугаар байранд 2022 оны адил “Барселона” (3.9 сая ам.доллар) оров. Каталоны багаас тэмцээний өөр өөр шатанд нийт 16 тоглогч оролцжээ.
Шилдэг 5 клубт:
- “Манчестер Сити” — $4.4 сая
- “Барселона” — $3.9 сая
- “Бавария” — $3.4 сая
- “Арсенал” — $3.3 сая
- “Пари Сен-Жермен” — $3.2 сая
Нийтдээ CBP хөтөлбөрийн дагуу дэлхийн 451 клуб ФИФА-гаас санхүүжилт авах юм.
