Senzu-ийн наймаа: NAVI-ийн Спортын захирал Passion UA-ийн мэдэгдлийг үгүйсгэлээ

Саяхан кастер Leniniw-ийн шууд дамжуулалтад зочноор оролцсон Passion UA багийн Гүйцэтгэх захирал (CEO) Артемийс Рябовс Монголын од тоглогч Азбаярын “Senzu” Мөнхболдын наймааны талаарх дотоод мэдээллийг хуваалцсан нь олны анхаарлыг татаад байна.

Passion UA: “Бид NAVI-аас илүү үнэ амласан”

Артемийс Рябовсын хэлснээр, Senzu-г багтаа авахын тулд тэд Украины алдарт Natus Vincere (NAVI) багтай өрсөлдөх шаардлага гарсан гэнэ. Тэрээр:

• NAVI баг Senzu-г ихэд сонирхож байсан.
• Гэвч Passion UA (хөлбөмбөгчин Александр Зинченкогийн үүсгэн байгуулсан клуб) тоглогч болон The Mongolz багт илүү ашигтай нөхцөл, өндөр үнэ санал болгосон.
• Үүний үр дүнд Senzu Passion UA-г сонгосон гэж мэдэгджээ.

NAVI-ийн хариу: “Энэ бол худал мэдээлэл”

Энэхүү мэдээлэл цацагдсаны дараа NAVI-ийн Спортын захирал Амиран Рехвиашвили (Ami) өөрийн X (Twitter) хуудсаараа дамжуулан албан ёсны тайлбар өглөө. Тэрээр Рябовсын яриаг эрс үгүйсгэж, дараах мэдэгдлийг хийв:

“Энэ бол худал. NAVI-ийн зүгээс Монгол тоглогчид (Senzu) ямар нэгэн санал тавиагүй.”

Одоогоор Passion UA-ийн зүгээс Ami-ийн энэхүү няцаалтад ямар нэгэн хариу тайлбар өгөөгүй байна. Кибер спортын хүрээнийхэн энэхүү зөрүүтэй мэдээллийн үнэн мөнийг хүлээж байгаа бөгөөд Passion UA-аас дараагийн алхам юу байх нь сонирхол татаж байна.