Table of Contents
Монгол Улсын Ерөнхийлөгч Ухнаагийн Хүрэлсүх Тулгар төр байгуулагдсаны 2235, Их Монгол Улс байгуулагдсаны 820, Үндэсний эрх чөлөө, тусгаар тогтнолоо сэргээн мандуулсны 115, Ардын хувьсгалын 105, орчин цагийн барилгын салбар үүсэж хөгжсөний түүхт 100 жилийн ойг тохиолдуулан салбарын нэр бүхий эрхмүүдэд төрийн дээд цол, одон, медаль гардуулжээ.
Энэ үеэр Гавьяат барилгачин Баатарын Жүгдэрт Монгол Улсын Хөдөлмөрийн баатар цол хүртээж, баатрын “Алтан соёмбо” тэмдэг болон Сүхбаатарын одонгоор шагнасан байна.
Б.Жүгдэрт Хөдөлмөрийн баатар цол хүртээлээ
“Үндэсний бүтээн байгуулалтын корпорац”-ын тэргүүн, “Улаанбаатар барилга” компанийн ТУЗ-ийн дарга, Гавьяат барилгачин, зөвлөх инженер Б.Жүгдэр нь боловсрол, эрүүл мэнд, нийтийн үйлчилгээ, орон сууцны олон зуун барилга байгууламжийг нэгдсэн удирдлагаар ханган ашиглалтад оруулахад хувь нэмрээ оруулжээ.
Түүнчлэн барилга үйлдвэрлэлийн бааз суурийг бэхжүүлэх, инженер, техникийн ажилчдыг бэлтгэх чиглэлээр олон жил ажилласныг нь үнэлж Монгол Улсын Хөдөлмөрийн баатар цол олгосон байна.
Арван эрхэм Гавьяат барилгачин цол хүртэв
Түүхт ойг тохиолдуулан барилгын салбарт олон жил үр бүтээлтэй ажилласан дараах хүмүүст төрийн цол, одон, медаль хүртээжээ.
- Гавьяат барилгачин цолоор “АКСИОМ констракшн” ХХК-ийн захирал, Монгол Улсын зөвлөх инженер Шаравын Төрбат, “Гангар групп”-ийн ерөнхийлөгч Сүрэнжавын Пүрэв, “Көшелик” ХХК-ийн зөвлөх инженер Сахабылын Мадетхан, “ОДТОБ” ХХК-ийн сантехникийн инженер Намсрайн Батжаргал, “Эгийн голын усан цахилгаан станц” ТӨХК-ийн зөвлөх инженер Дагвын Гүньбазар, “Сант номун” ХХК-ийн зургийн ерөнхий инженер Хөхийн Оюунчимэг, “Эн Си Ди прекон” ХХК-ийн гүйцэтгэх захирал Доржийн Энхтүвшин, “Түшиг багана” ХХК-ийн ерөнхий захирал Цэндийн Ганхүрэл, “Цант Буянт констракшн” ХХК-ийн захирал Чогсомын Батзориг, “Сойл Трейд” ХХК-ийн ерөнхий захирал Анандын Батсайхан нарыг шагнав.
- Сүхбаатарын одонгоор Барилга, хот байгуулалтын сайд асан, ЮНЕСКО-гийн үндэсний комиссын Ерөнхий нарийн бичгийн дарга Бэгзжавын Мөнхбаатарыг шагнажээ.
- Хөдөлмөрийн гавьяаны улаан тугийн одонг “Барилгын хөгжлийн төв” ТӨҮГ-ын хяналтын инженер Зунайн Нэрмөнх, “ББСМО” ХХК-ийн зөвлөх инженер Цэдэн-Ишийн Төгсжаргал, “Жигүүр гранд групп” ХХК-ийн заслын мастер багш Бямбацэрэнгийн Чанцалдулам, “Монкон групп” ХХК-ийн ерөнхий захирал Чимэдцэрэнгийн Дарханбаатар, “Аж богд Моунтэйн” ХХК-ийн ТУЗ-ийн дарга Пүрэвжавын Эрдэнэхүү нарт хүртээлээ.
- Алтан гадас одонгоор “Тэргүүн чансаа” ХХК-ийн дотоод засал чимэглэлчин Жүүжингийн Уранчимэг, “Бусана” ХХК-ийн захирал Зүмүүгийн Жаргалсайхан, “Могсу” ХХК-ийн мужаан Амгаланбаатарын Отгонбаяр, “Таван Богд Холдингс” ХХК-ийн барилгын төслийн албаны дарга Эрдэнэбаатарын Цогтбат, “Тоонот элеватор” ХХК-ийн үүсгэн байгуулагч, ерөнхий захирал Дамирангийн Бүтэмж нарыг шагнасан байна.
- Хөдөлмөрийн хүндэт медалиар Нийслэлийн хяналт шалгалтын газрын Барилгын стандарт, аюулгүй байдлын хяналтын хэлтсийн дарга Баясгалангийн Хашчимэг, “Хурд групп” ХХК-ийн хяналтын инженер Дамдинсүрэнгийн Сүх, “Макс өргөө” ХХК-ийн дулаан, сантехникийн инженер Мөнх-Очирын Болорцэцэг, Хот байгуулалт, барилга, орон сууцжуулалтын яамны Хот, суурин, ариутгах татуургын бодлого, төлөвлөлт хариуцсан ахлах шинжээч Пүрэ-Ойдовын Очирдаваа нарыг шагнажээ.
Ерөнхийлөгч шагнал хүртсэн эрхмүүдэд баяр хүргэв
Монгол Улсын Ерөнхийлөгч У.Хүрэлсүх төрийн дээд цол, одон, медаль хүртсэн барилгын салбарын эрхмүүдэд болон тэдний гэр бүл, хамт олонд баяр хүргэж, цаашдын ажил үйлсэд нь амжилт, сайн сайхан бүхнийг хүсэн ерөөсөн байна.
Ийнхүү Монголын орчин цагийн барилгын салбар үүсэж хөгжсөний 100 жилийн түүхт ойг тохиолдуулан салбарын бүтээн байгуулалт, инженерчлэл, мэргэжлийн боловсон хүчний хөгжилд хувь нэмэр оруулсан олон эрхмийг төрийн өндөр шагналаар үнэлжээ.
