БНСУ-ын ерөнхийлөгч Ли Жэ Мён 2026 оны хөлбөмбөгийн дэлхийн аварга шалгаруулах тэмцээнд үндэсний шигшээ баг амжилтгүй оролцсон шалтгааныг шалгахыг үүрэг болгожээ. Тэрээр энэ талаар X нийгмийн сүлжээнд байр сууриа илэрхийлсэн байна.
Ерөнхийлөгчийн хэлснээр, багийн гаргасан үр дүн түүнийг энгийн гайхширлаас илүүтэй бүрэн эргэлзээнд оруулжээ. Тэрээр “хүний нөөц бүхнийг шийддэг” гэдэг нь дахин батлагдлаа гэж онцолсон байна.
Ли Жэ Мёны үзэж буйгаар, бүтэлгүйтлийн үндсэн шалтгаан нь чадваргүй мэргэжилтнүүдийг томилсон явдал, мөн боловсон хүчин болон санхүүгийн буруу бодлоготой холбоотой байж болзошгүй. Үүний улмаас татвар төлөгчдийн мөнгө зориулалтын бусаар ашиглагдсан гэж тэр мэдэгджээ.
Хон Мен Бо огцорч, баг хэсгээсээ хасагдав
Ерөнхийлөгч Соёл, спорт, аялал жуулчлалын яаманд нөхцөл байдлыг нарийвчлан судалж, цаашид ийм алдаа давтагдахгүй байх арга хэмжээ авахыг даалгасан байна.
Өмнө нь БНСУ-ын шигшээ багийн ахлах дасгалжуулагч Хон Мен Бо ДАШТ-ээс хасагдсаны дараа албан тушаалаасаа огцорсон нь тодорхой болсон.
Өмнөд Солонгосын шигшээ 2026 оны ДАШТ-ий A хэсэгт гурван оноотойгоор гуравдугаар байр эзэлсэн. Баг эхний тойрогт Чехийг 2:1-ээр хожсон ч дараа нь Мексик болон Өмнөд Африкт тус бүр 0:1-ээр ялагдсан байна.
Энэ үр дүн БНСУ-ын хөлбөмбөгийн удирдлага, дасгалжуулагчдын сонголт, санхүүжилтийн үр ашигтай холбоотой асуудлыг улс төрийн түвшинд авч үзэх шалтгаан болов.
