Тулгар төрийн 2235 жилийн ой, Их Монгол Улс байгуулагдсаны 820 жилийн ой болон Ардын хувьсгалын 105 жилийн ойн Үндэсний их баяр наадмын хүчит 1024 бөхийн барилдаанд онцгойлон тодорч, арав даван түрүүлсэн амжилтыг бид бэлхнээ мэднэ. Тэгвэл энэхүү түүхэн наадамд магнайлж, Монгол Улсын Даян аварга цолыг хүртсэн Б.Орхонбаярын цолны хүндэтгэлийн наадмыг наймдугаар сарын эхээр тэмдэглэхээр албан ёсоор төлөвлөөд байна.
Наадмын бэлтгэл ажил хангагдаж байна
Шинэхэн аваргын гаргасан өндөр амжилт, эрхэм цолыг нь мялаах тус наадмыг өргөн хүрээнд, өндөр зохион байгуулалттай хийхээр зорьж байна. Энэхүү баярын үйл ажиллагааны бэлтгэлийг өндөр түвшинд хангах үүрэг бүхий ажлын хэсэг аль хэдийнэ байгуулагдан, зохион байгуулалтын ажилдаа шуурхайлан ороод байгаа ажээ.
Үндэсний уламжлалт спорт, наадмын хөтөлбөр
Цолны мялаалга наадмын үеэр наадамчин олондоо зориулж монгол түмний өв соёл, уламжлалт спортын олон сонирхолтой арга хэмжээнүүдийг цогцоор нь толилуулахаар зэхэж байна. Тухайлбах, баярын өдрүүдэд дараах үндсэн төрлүүдээр шилдэг өрсөлдөөнүүд өрнөх юм.
- Улс, аймгийн алдар цолтой хүчит бөхчүүдийн барилдаан;
- Шандас хусаар хурдан хүлгүүдийн хурд шалгах морины уралдаан;
- Эрхий мэргэн харваачдын цэц мэргэнийг сорих үндэсний сур харваа.
