Олон нийтийн цахим сүлжээгээр дуучин Эгшиглэн буюу Т.Болортуяаг мансууруулах бодисын хэрэгт холбогдон ял шийтгүүлсэн тухай мэдээлэл цацагдаад байна. Энэхүү шуугианы мөрөөр холбогдох албаны эх сурвалжаас албан ёсны тодруулга авлаа.
Хэргийн нөхцөл байдал ба шүүхийн шийдвэр
Тэрбээр 2025 оны хоёрдугаар сард хамтран амьдрагчийнхаа хамт сэтгэцэд нөлөөт бодис, мансууруулах эм хэрэглэж байх явцдаа цагдаагийн байгууллагад саатуулагдсан байна. Уг хэргийг Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны тойргийн шүүх 2025 оны зургаадугаар сард хянан хэлэлцжээ. Шүүхээс иргэн Т.Болортуяад хоёр жилийн хугацаагаар зорчих эрхийг хязгаарлах ял ногдуулсан бөгөөд тэрбээр одоо уг шийтгэлээ эдэлж байгаа аж.
Цахим бугуйвчны хяналт ба өмнөх хэрэг
Зорчих эрхийг хязгаарлах ял нь тухайн иргэнийг нийгмээс тусгаарлахгүйгээр хэвийн ажиллаж, сурч боловсрох боломжийг олгодог давуу талтай. Гэхдээ ялтан хуулийн дагуу дараах хатуу журмыг чанд мөрдөх үүрэг хүлээдэг байна.
- Байршил тогтоогч бүхий цахим бугуйвчийг биедээ тогтмол зүүх;
- Уг цахим төхөөрөмжийг санаатайгаар тайлах, гэмтээх, таслахыг оролдохгүй байх;
- Дээрх журмыг зөрчсөн тохиолдолд хуулийн дагуу хорих ялаар солих хүртэлх хариуцлага хүлээх.
Дуучин Эгшиглэнгийн хувьд мансууруулах бодистой холбогдсон тохиолдол анхных биш юм. Тэрбээр өмнө нь буюу 2018 онд “Ice Top” хамтлагийн дуучин Коби буюу С.Чулуунбаярын хамт mөн л ийм төрлийн гэмт хэрэгт холбогдож, шүүхээр шийтгүүлж байсан түүхтэй.
