Table of Contents
Apple watchOS 27-оо танилцуулж, дэмжлэгийн бодлогоо өөрчилнө
Apple Дэлхийн хөгжүүлэгчдийн бага хурлын үеэр watchOS 27 үйлдлийн системээ танилцуулжээ. Шинэчлэл энэ намар хэрэглэгчдэд хүрэхээр төлөвлөгдөж байгаа бөгөөд олон шинэ боломжийн зэрэгцээ хуучин Apple Watch загваруудын хувьд чухал өөрчлөлт авчрах юм.
Тодруулбал, зарим хуучин Apple Watch загварууд watchOS 27-г суулгасан ч цаашид системийн шинэ функцүүдийг бүрэн авахгүй, зөвхөн аюулгүй байдлын шинэчлэлтээр хязгаарлагдах аж. Үүнд 2022 онд гарсан анхны Apple Watch Ultra хүртэл багтаж байна.
Хуучин загварууд зөвхөн security update авна
watchOS 27-г суулгасны дараа дэмжлэгээс хэсэгчлэн хасагдах төхөөрөмжүүд шинэ боломжуудыг авахгүй ч бүрэн ажиллах боломжоо алдахгүй.
Apple-ийн тайлбарласнаар, эдгээр цагууд iPhone-той холбогдон ажилласаар байх бөгөөд чухал security patch буюу аюулгүй байдлын засваруудыг үргэлжлүүлэн авах юм.
Гэхдээ системийн шинэ боломжууд, илүү ухаалаг удирдлага, AI-д суурилсан функцүүд нь хуучин төхөөрөмжүүдэд бүрэн ажиллахгүй гэж үзжээ.
AI Siri болон шинэ gesture-ууд илүү хүчтэй техник шаарддаг
Apple шинэ функцүүдийг хуучин загваруудад бүрэн хүргэхгүй байгаа шалтгаанаа техник хангамжийн хүчин чадалтай холбон тайлбарлаж байна.
watchOS 27-д Siri-ийн хиймэл оюунд суурилсан шинэ боломжууд болон gesture буюу дохио зангаагаар удирдах нэмэлт функцүүд багтжээ.
Эдгээрийг тогтвортой, хурдан ажиллуулахын тулд Apple Watch Series 9 болон түүнээс шинэ загварууд, мөн Apple Watch Ultra 2, SE 3 зэрэг илүү хүчирхэг төхөөрөмж шаардлагатай гэж Apple үзэж байна.
Series 8 болон түүнээс өмнөх загварууд хязгаарлагдана
Энэ өөрчлөлт Apple Watch Series 8 болон түүнээс өмнөх загвар эзэмшигчдэд хамгийн их нөлөөлөх төлөвтэй байна.
Мөн анхны үеийн Apple Watch Ultra болон өмнөх SE загварууд watchOS 27-ийн бүх шинэ боломжийг авахгүй байх магадлалтай.
Иймээс шинэ функцүүдийг бүрэн ашиглахыг хүссэн хэрэглэгчид шинэ үеийн Apple Watch руу шилжих шаардлагатай болж магадгүй юм.
Apple хуучин төхөөрөмжүүдийг аажмаар хязгаарлах бодлогоо үргэлжлүүлж байна
Apple өмнө нь ч хуучин төхөөрөмжүүдийн программын дэмжлэгийг үе шаттайгаар багасгаж, шинэ үеийн төхөөрөмжүүд дээр илүү их боломж төвлөрүүлдэг бодлого баримталж ирсэн.
Энэ удаагийн watchOS 27 ч мөн адил чиглэлд явж байна. Компани шинэ функцүүдийн тогтвортой ажиллагаа, хурд, аюулгүй байдлыг нэн тэргүүнд тавьж, хуучин төхөөрөмжүүдэд зөвхөн үндсэн дэмжлэг үлдээхээр шийдсэн бололтой.
Хэрэглэгчид шинэ цаг авах эсэхээ шийдэх шаардлагатай болно
watchOS 27 гарснаар хуучин Apple Watch эзэмшигчид төхөөрөмжөө үргэлжлүүлэн ашиглах боломжтой хэвээр байна.
Гэхдээ AI Siri, шинэ gesture-ууд болон бусад гол шинэчлэлүүдийг бүрэн ашиглахыг хүсвэл Apple Watch Series 9, Ultra 2, SE 3 болон түүнээс шинэ загваруудыг сонгох шаардлагатай болж магадгүй.
Энэ нь Apple Watch хэрэглэгчдийн хувьд шинэчлэл хийх эсэхээ дахин бодох шалтгаан болж байна.
