Америкийн дуучин, жүжигчин Женнифер Лопес 18 настай ихэр хүүхдүүд болох Максимилиан, Эмме нартайгаа хамт авхуулсан ховор зургуудыг Instagram хуудсандаа нийтэлжээ. Од Итали улсад хүү, охиныхоо хамт амарч байгаа гэдгээ тэмдэглэсэн байна.
“Кокоснуудаа коллеж руу явахаас нь өмнө хамтдаа аялж байна” гэж Лопес бичжээ.
Ихрүүдийг Марк Энтонитой гэрлэсэн үедээ төрүүлсэн
Женнифер Лопес ихрүүдээ хөгжмийн зохиолч Марк Энтонитой гэрлэсэн үедээ төрүүлсэн. Хос 2011 онд салж буйгаа зарласан ч гэр бүл салалтын ажиллагаа гурван жилийн дараа л бүрэн дууссан байна.
Дуучин өөрөө харилцаагаа дуусгах шийдвэр гаргаж, шүүхэд өргөдөл өгсөн гэдгээ өмнө нь нууж байгаагүй юм.
Эмме өсвөр насандаа имиджээ өөрчилж байв
Экс хосын охин Эмме 14 настайдаа гадаад төрхөө мэдэгдэхүйц өөрчилсөн. Тэр богино үс засалт хийлгэж, даашинзнаас татгалзан, сул загварын хувцас, жинс, урт футболк өмсөх болсон байна.
Зарим шүтэн бишрэгчид Лопесоос охиных нь имиджийн өөрчлөлтийн талаар асуулт тавьдаг ч дуучин ийм сэдвээр тайлбар хийдэггүй аж.
